Pahladzicie, jakaja nievierahodnaja inkluziŭnaja kaviarnia adkryłasia na Internacyjanalnaj u Minsku FOTY
Vasia Paŭlikaŭ maryŭ daraści da dyrektara hatela — svaju karjeru jon pačynaŭ aficyjantam u «Reniesansie». Hatel chłopiec nie ŭznačaliŭ. Zatoje staŭ dyrektaram kaviarni. U centry Minska Vasia z kamandaj adkryŭ užo druhuju kropku sa smačnaj kavaj, u fłahmanskaj kramie A1.
U mai «Inkluziŭny barysta» zapracavaŭ na Ramanaŭskaj Słabadzie, 8. Ciapier haračyja napoi raźlivajuć i na vulicy Internacyjanalnaj, 36.
Supracoŭniki kaviarni — ludzi ź invalidnaściu. U dyrektara Vasi sindrom Daŭna, ale heta nie zaminaje jamu spraŭlacca ź mieniedžarskaj rucinaj. Viadzieńnie instahrama taksama za im. U biełaj kašuli, z halštukam i čornym partfielem u ruce Vasia, zdajecca, całkam asvoiŭsia na kiraŭničaj pasadzie.
Na kubačkach — karotkaja historyja kožnaha supracoŭnika. Naprykład, barysta Natalla Astanina ździejśniła ŭžo 10 skačkoŭ z parašutam z vyšyni 10 tysiač mietraŭ! Dla tych, chto choča papić kavy na miescy, jość kubački sa šryftam Brajla.
Kursy barysta — jany ciahnucca try tydni — arhanizoŭvała sama kaviarnia.
«U nas dahetul byŭ vialiki prajekt, dzie ja dva hady jeździŭ pa ŭsioj Biełarusi i navučaŭ prafiesii barysta. Ja viedaju bolš za 50 patencyjnych rabotnikaŭ. Ale jany nie mohuć pracavać u miascovych kaviarniach, bo ich nie biaruć — sumniavajucca, niama dastupnaha asiarodździa», — tłumačyć situacyju ŭłaśnik ustanovy Saša Aŭdzievič.
Jon pryznajecca, što dastać abstalavańnie było vielmi składana. Usie stały i šufladki rabilisia pad zamovu.
«Tut treba kožny santymietr raźličvać. Pradstaŭniki italjanskaj firmy, jakaja pastaŭlała abstalavańnie, zacanili: «Vy prydumali stoł, jaki rehulujecca pa vyšyni? Prykolna», — dzielicca aktyvist.
Na zapusk pieršaj kropki Saša Aŭdzievič addaŭ hrošy, adkładzienyja na kruhaśvietnaje padarožža. I nie paškadavaŭ. «My nastolki paśpiachovyja, što ja mahu płacić zarobki supracoŭnikam, raźvivacca i zamaŭlać novyja pazicyi», — adznačaje chłopiec. Ad zadumy da adkryćcia druhoj kaviarni prajšoŭ usiaho miesiac.
Biznes-partnioram stała kampanija A1. U hetym ža pamiaškańni, dzie ad pačatku było pradumana biezbarjernaje asiarodździe, znachodzicca firmovaja krama sotavaha apieratara.
«Heta partniorstva, nie dabračynnaść, — padkreśliŭ kiraŭnik adździeła karparatyŭnych kamunikacyj kampanii Mikałaj Bredzieleŭ. — Paśla taho, jak žurnalisty daviedalisia ab płanach zrabić u Minsku takoje ŭnikalnaje miesca, my atrymali adrazu niekalki prapanoŭ ab supracy i z radaściu adhuknulisia na ideju Alfa-Banka ŭziać na siabie bankaŭski servis u novaj kaviarnie. Uvohule, hety kiejs dla nas — ekśpierymientalnaja mahčymaść spałučyć biznes, vialiki i maleńki, jaki abjadnoŭvaje ahulnaja meta — inkluziŭnaje hramadstva».
-
Śviatłana Cichanoŭskaja paviedamiła litoŭskim parłamientaryjam pra rašeńnie pierajechać u Polšču
-
«Pajšli nach*j vy i vaš «Baćka», pi***asy!» Pjanyja pryhody zrabili armianina Jarvanda palitviaźniem. Ciapier jon zmahajecca z prablemami ŭ Polščy
-
«Ja — jak supiervumien». Jak byłaja biblijatekarka pracuje prybiralščycaj u Biełastoku — jak spraŭlajecca i kolki zarablaje
Ciapier čytajuć
«Pajšli nach*j vy i vaš «Baćka», pi***asy!» Pjanyja pryhody zrabili armianina Jarvanda palitviaźniem. Ciapier jon zmahajecca z prablemami ŭ Polščy1
Kamientary