Viciebskaja «viertykal» abiacała pazbavić žycharoŭ vobłaści ad takoj niebiaśpieki. Zabili sotni žyviolin, ale žadanaha vyniku niama. Daktary kažuć: «sam vinavaty»
Viciebskaja «viertykal» abiacała pazbavić žycharoŭ vobłaści ad takoj niebiaśpieki. Zabili sotni žyviolin, ale žadanaha vyniku niama.
Daktary kažuć: «sam vinavaty»
Žychar vioski Vialiki Aziarec Sieńnienskaha rajona ŭpieršyniu ŭ svaim žyćci ŭbačyŭ spraŭdnaha janota. Sustreŭšy źviarka na asabistym padvorku, małady čałaviek pasprabavaŭ jaho złavić. «Safary pa-biełarusku» skončyłasia tym, što janot ukusiŭ čałavieka za palec. Tady razzłavany chłopiec vyrašyŭ zabić zdabyču.
Praz paŭtara miesiaca ŭ jaho vyjavilisia kliničnyja simptomy šalenstva. U infiekcyjnym špitali strašny dyjahnaz paćvierdzili. Ale, na žal, miedycynie pakul nieviadomyja sposaby vyratavańnia žyćcia čałavieka, ŭ jakoha ŭžo pačała raźvivacca chvaroba. I, jak kažuć daktary, amal niama šansaŭ na vyratavańnie, bo adzinaja mahčymaść zastacca ŭ žyvych paśla kantaktu z šalonaj žyviołaj – heta prafiłaktyčnyja pryščepki. Ich nieabchodna rabić u tym vypadku, kali lubaja nieznajomaja žyviolina, asabliva ź nieadekvatnymi pavodzinami, padrapała abo ŭkusiła čałavieka.
Chłopiec ź Sieńnienščyny zabitaha janota zakapaŭ na harodzie, ranku ad ukusa apracavaŭ jak umieŭ, a pra toje, čamu aściarožny lasny źvier raptam źjaviŭsia ŭ vioscy, navat nie padumaŭ.
Sieńnienski rajon ličać «samym šalonym»
Na dadzieny momant ŭ vioscy Vialiki Aziarec pravodziaccca epidemijałahičnyja mierapryjemstvy: miedyki-infiekcyjanisty vyśviatlajuć, ci mieŭ jašče chto-niebudź kantakty z chvoraj žyviołaj. Zaadno davodzicca pierakonvać spałochanych viaskoŭcaŭ, što ad čałavieka da čałavieka infiekcyja nie pieradajecca.
Jak paviedamili ŭ abłasnym Centry hihijeny i epidemijałohii, sa 170 vypadkaŭ šalenstva ŭ žyvioły, zarehistravanych pa vobłaści z pačatku hoda, 26 zafiksavana na Sieńnienščynie. Heta amal 18 adsotkaŭ ad ahulnaj kolkaści, pryčym u kožnym vypadku šalonymi akazvalisia mienavita dzikija, a nie chatnija ci svojskija žyvioły.
«Infiekcyju treba źniščać u lesie, a nie zabivać niaščasnych katoŭ dy sabak!»
Prykładna takimi słovami staršynia hramadzkaha abjadnańnia «Siabry žyviołaŭ» Natalla Śpirydonava raspačynaje havaryć pra ŭłasnaje bačańnie prablemy šalenstva na Viciebščynie.
- Sprava ŭ tym, što abłasnomu dy haradskomu kiraŭnictvu čamuści vyhadniej źniščać badziažnych žyvioł u horadzie, čymści padtrymlivać naležny sanitarna-ekałahičny bałans. Za apošnija hady Ministerstva sielskaj haspadarki źmienšyła kolkaść srodkaŭ na vakcynacyju dzikich žyvioł, i tamu ŭ miascovych lasach tut ža ŭźnikli ačahi šalenstva. Zamiest vakcynacyi byŭ abrany šlach masavaha źniščeńnia lis dy janotavidnych sabak, što aŭtamatyčna pryviało da pavieličeńnia kolkaści chvorych hryzunoŭ. A heta spravakavała «pierachod» epidemii šalenstva ŭ harady – siarod haradskich košak dy sabak. Voś tak źjaviłasia teoryja pra adstreł badziažnych žyvioł jak adziny srodak suprać šalenstva.
Teoryju ŭładaŭ padmacavaŭ trahičny vypadak trochhadovaj daŭniny, kali ad šalenstva zahinuŭ žychar Voršy, jakoha pakusaŭ badziažny sabaka. Z taje pary, jak kaža Natalla Śpirydonava, źniščeńnie biesprytulnych žyviołaŭ stała svajho kštałtu «dziaržaŭnaj prahramaj», na jakuju byli vydatkavanyja kudy bolšyja srodki, čymści raniej addavalisia na lasnuju vakcynacyju: pradpryjemstva «Śpiecavtabaza» zakupiła admysłovyja strelby «Sanitar», zamoviła niekalki skryniaŭ preparata «Adylin-supier», jaki vyklikaje śmierć žyvioliny ad udušša i zasnavała normu»dla «źniščalnikaŭ» – 4 sabačyja abo kacinyja hałavy štodnia...
Žyćcia 22-hadovaha chłopcy achviary bratoŭ našych mienšych nie ŭratavali.
Alona Štral, Prydźvińnie, Bulletinonline.org
Pratasievič znoŭ ženicca — ciapier z tarołaham Nastaśsiaj, jakaja pracavała ŭ elitnym miedcentry «Miersi»40
Kamientary