U Lidzie ŭpieršyniu ŭ krainie zrabili pratez katu, u jakoha była amputavanaja łapka
U Lidzie ŭpieršyniu ŭ krainie zrabili apieracyju pa pratezavańni kaniečnaści ŭ žyvioły. Unikalny ekśpierymient praviali vieterynary ź Lidy Pavieł Žulpa i z Hrodna Andrej Jelisiejeŭ. Apieracyja doŭžyłasia bolš za try hadziny i prajšła paśpiachova, paviedamlaje telekanał «Hrodna Plus».
Dvuchhadovy kot Fila hod tamu atrymaŭ chimičnyja traŭmy, z-za jakich vieterynaram pryjšłosia amputavać jamu zadniuju łapku.
Lidski vietdoktar Pavieł Žulpa advažyŭsia na najskładaniejšuju apieracyju pa pratezavańni kaniečnaści. Jon vučyŭsia ŭ rasijskaha vieterynara — chirurha Siarhieja Harškova. Pa zamovie Lidskaha kalehi ŭ Novasibirsku pry dapamozie 3D-pryntara vyrabili pratez. Vyrab zrabili z spłavu tytana i hidraksiapatytu. Važyć pratez usiaho niekalki hramaŭ.
Apieracyja prachodziła ŭ niekalki etapaŭ.
Pavieł Žulpa raspavioŭ, što składanaść apieracyi była ŭ tym, što pracavali śpiecyjalisty ź vielmi maleńkimi pamierami. Važna było pravilna praśvidravać kostku, ustavić u łapku impłanty i ušyć kulciu tak, kab potym nie było ŭskładnieńniaŭ — i ŭsio atrymałasia.
Zaraz, jak kažuć vieterynary, nieabchodna čas, kab pratez užyŭsia ŭ kość, i tady Fila zmoža paŭnacenna karystacca svajoj novaj štučnaj łapkaj.
Kamientary