Siońnia ŭ Miensku z nahody aficyjnaha śviata Dnia Niezaležnaści adbylisia vajskovy parad i aficyjnaje moładzieva-spartovaje šeście. Prymajučy parad vojskaŭ, Alaksandar Łukašenka zajaviŭ, što «ŭzbrojenyja siły Biełarusi majuć usio nieabchodnaje, kab paśpiachova adbić ahresiju suprać dziaržavy».
Kiraŭnik Biełarusi ŭ svaim vystupie na paradzie vojskaŭ Mienskaha harnizonu zajaviŭ, što ŭ krainie paśladoŭna realizoŭvajecca «svaja madel raźvićcia, zasnavanaja na ŭzvažanych, pradumanych pieraŭtvareńniach, z zachavańniem usiaho lepšaha, što miełasia raniej». Pavodle Alaksandra Łukašenki, «eŭrapiejski kantynent byŭ i zastajecca najbolš militaryzavanym u śviecie», i ŭ hetych umovach prymajucca nieabchodnyja miery dla stvareńnia efektyŭnaj systemy nacyjanalnaj biaśpieki.
(Łukašenka: ) «U hety čas uzbrojenyja siły, inšyja vojski i vajskovyja farmavańni Biełarusi majuć usio nieabchodnaje, kab paśpiachova adbić ahresiju suprać našaj dziaržavy».
Kiraŭnik Biełarusi zhadaŭ taksama vajskovyja vučeńni z udziełam Rasiei «Ščyt Sajuzu-2007». Jon zajaviŭ, što na praktycy «paćvierdžanaja zdolnaść uzbrojenych siłaŭ abiedźviuch dziaržavaŭ paśpiachova vykonvać zadačy ŭ spravie abarony našaha hramadztva i Ajčyny».
Padčas paradu i šeścia kala steły «Miensk – horad-hieroj» vykarystoŭvalisia lozunhi minułaj vybarčaj kampanii. Da prykładu, siabry BRSM nieśli zialonyja baloniki z nadpisam «BRSM – za mocnuju i kvitniejučuju Biełaruś». Padčas pramoj tranślacyi na biełaruskich telekanałach pakazvali kiraŭnika Biełarusi ŭ atačeńni dziaciej u nacyjanalnych strojach, jakija prynieśli jamu kvietki. Šeście spartoŭcaŭ supravadžałasia kamentarami pra pośpiechi j dasiahnieńni. Ščaślivuju Biełaruś musili taksama symbalizavać 90 šlubnych paraŭ i šeście šmatdzietnych maci.
Ci słušna sumiaščać Dzień Niezaležnaści Biełarusi z dniom vyzvaleńnia Miensku 3 lipienia? Historyk Anatol Hryckievič ličyć sapraŭdnym Dniom Niezaležnaści 25 sakavika 1918 hodu, dzień abviaščeńnia BNR. A što da vyzvaleńnia Biełarusi, to, pavodle spadara Hryckieviča, jana była vyzvalenaja 31 lipienia. Tamu toje, što śviatkavali siońnia, dla historyka Anatola Hryckieviča nia jość śviatam.
(Hryckievič: ) «Ja jaho nie adznačaju.Toje, što aficyjnyja ŭłady vyrašyli pieranieści Dzień Niezaležnaści, heta jakraz układajecca ŭ tuju idealahičnuju, prapahandysckuju ideju, što ŭ nas historyja Biełarusi pačynajecca ź Vialikaj Ajčynnaj vajny – i tolki. Zrazumieła, što heta štučnaje śviata, jakoje patrebnaje ŭładzie dla taho, kab jašče bolš idealahična ŭździejničać na ludziej, u tym liku na moładź. I prosta lišniaja nahoda dla taho, kab pakazać, što jany stajać va ŭładzie, što jany byccam by z narodam, i takoje idealahičnaje adzinstva, jakoje kaliści abviaščałasia ŭ saviecki čas. Usio heta vielmi nahadvaje byłuju savieckuju prapahandu».
Daviedka: Dzień Niezaležnaści adznačajecca 3 lipienia štohod, pačynajučy z 1997 hodu. Rašeńnie ab ŭstalavańni Dnia Niezaležnaści 3 lipienia było pryniataje na listapadaŭskim referendumie ŭ 1996 hodzie na prapanovu Alaksandra Łukašenki. Z 1991-ha pa 1996-y hod Dzień niezaležnaści adznačaŭsia 27 lipienia, u hety dzień u 1990 hodzie Viarchoŭny Saviet BSSR pryniaŭ Deklaracyju ab suverenitecie Biełarusi.
Ciapier čytajuć
Na «hulni Mackieviča» nie było Cichanoŭskaj, Łatuški, Cichanoŭskaha. Babaryka i Kaleśnikava adjazdžali, ale viarnulisia4
Na «hulni Mackieviča» nie było Cichanoŭskaj, Łatuški, Cichanoŭskaha. Babaryka i Kaleśnikava adjazdžali, ale viarnulisia
Pamiatajecie Daniiła z Ofisa Cichanoŭskaj, jakomu za dva dni sabrali hrošy na ankałahičnuju apieracyju? Jamu napisaŭ toj samy adnakłaśnik, jaki jaho ŭdaryŭ — z čaho ŭsio i pačałosia44
Kamientary