Kačanava: Łukašenka pačuŭ mierkavańnie pracoŭnych kalektyvaŭ i daručyŭ razabracca pa ŭsich faktach zatrymańniaŭ
Staršynia Savieta Respubliki Natalla Kačanava źviarnułasia da biełarusaŭ. Jana zajaviła, što Łukašenka pačuŭ mierkavańnie pracoŭnych i daručyŭ razabracca pa ŭsich faktach zatrymańniaŭ. U viačernim efiry telekanała «Biełaruś 1» jana zajaviła, što narod zrabiŭ svoj vybar na vybarach prezidenta, i treba spynić samaźniščeńnie, paviedamlaje Tut.by.
«Darahija biełarusy! Mienš za tydzień tamu adbylisia vybary prezidenta Respubliki Biełaruś. Narod zrabiŭ svoj vybar. Ale ŭsio, što pačało adbyvacca dalej — źjaŭlajecca biesprecedentnaj sprobaj razburyć toje, čym my zaŭsiody hanarylisia, — naša mirnaje žyćcio, - i padzialić hramadstva. U nas nie pavinna być kanfrantacyi.
Prezident pačuŭ mierkavańnie pracoŭnych kalektyvaŭ i daručyŭ razabracca pa ŭsich faktach zatrymańniaŭ, jakija adbylisia ŭ apošnija dni.
Zaraz idzie intensiŭnaja praca ŭ hetym kirunku, užo na viečar siońniašniaha dnia vypuščanyja bolš za tysiaču čałaviek pad abaviazacielstva ab niaŭdziele ŭ niesankcyjanavanych mierapryjemstvach, a niepaŭnaletnija — pieradadzieny pad raśpisku baćkam.
Vidavočna, što ŭsim nam nie patrebna bojka, nie patrebna vajna. Minsk zaŭsiody byŭ cichim i spakojnym. Davajcie spynim samaźniščeńnie. My nie pavinny razburać ułasnymi rukami ŭsio, što stvaryli za hady niezaležnaści našaj krainy. Nam treba zachavać mir i spakoj dla nas i našych dziaciej.
Ad imia deputackaha korpusa Biełarusi ja zaklikaju ŭsich spynicca. Budziem razumnymi», — zajaviła kiraŭnik Savieta Respubliki Natalla Kačanava.
Nahadajem, z dnia vybaraŭ u Biełarusi iduć akcyi pratestaŭ, jakija pieryjadyčna pierarastajuć u sutyčki ź siłavikami. Z 9 žniŭnia byli zatrymanyja bolš za 6,7 tysiačy čałaviek. Niekatorych užo stali adpuskać: minułaj nočču ź CIP na Akreścina adpuścili bolš za 100 čałaviek, pačynajuć vypuskać ludziej ź IČU ŭ Žodzina. Miarkujučy pa ŭsim, vyzvalać stali tych, u kaho skončylisia 72 hadziny z momantu zatrymańnia — u hetym vypadku, kali nie było suda, ich pavinny adpuścić.
13 žniŭnia na akcyi salidarnaści stali vychodzić supracoŭniki bujnych pradpryjemstvaŭ.
Ciapier čytajuć
«Fieminizm u maim vypadku pieramoh». Vieranika Stankievič — pra dapamohu palitviaźniam u «Volnych» i płany na viasielle ź Ivulinym9
«Fieminizm u maim vypadku pieramoh». Vieranika Stankievič — pra dapamohu palitviaźniam u «Volnych» i płany na viasielle ź Ivulinym
Irłandziec, da jakoha małaja Cichanoŭskaja jeździła ŭ 1990-ja: «Kali b niechta skazaŭ, što adnoje z hetych dziaciej stanie palitykam, ja b pakazaŭ na Śvietu»2222
Irłandziec, da jakoha małaja Cichanoŭskaja jeździła ŭ 1990-ja: «Kali b niechta skazaŭ, što adnoje z hetych dziaciej stanie palitykam, ja b pakazaŭ na Śvietu»22
«Pra ciažarnaść viedali tolki jana i jaje chłopiec». Stali viadomyja padrabiaznaści historyi ź miortvym niemaŭlom, znojdzienym u Baranavičach u pakiecie
Kamientary