Parašenka zaklikaŭ Łukašenku pajści na daterminovyja prezidenckija vybary
Eks-prezident Ukrainy Piatro Parašenka źviarnuŭsia da ŭładaŭ Biełarusi. Jon zajaviŭ, što biełaruskaja ŭłada pavinna znajści adkaz na patrabavańni biełaruskaha hramadstva, jakoje imkniecca i hatova da demakratyčnych pieramien u žyćci dziaržavy, a taksama pajści na daterminovyja prezidenckija vybary z pryciahnieńniem mižnarodnych naziralnikaŭ, pieradaje «Interfaks-Ukraina».
Jon zaklikaŭ ciapierašniuju ŭładu Ukrainy pryznačyć śpiecyjalnaha pradstaŭnika krainy pa Biełarusi, jaki budzie sadziejničać urehulavańniu situacyi. a taksama arhanizavać kantakty pradstaŭnikoŭ ES z MZS Biełarusi dla vyrašeńnia prablemnych pytańniaŭ.
Pry hetym palityk zaklikaŭ mižnarodnuju supolnaść nazirać za dziejańniami RF, jakaja «tolki čakaje zručnaha momantu dla taho, kab pakončyć ź biełaruskaj dziaržaŭnaściu i niezaležnaściu».
— Biełarusy — tradycyjnyja siabry i partniory ŭkrainskaha naroda, ščyryja, pryjaznyja i prystojnyja braty pa kryvi i duchu. Demakratyčnaja, stabilnaja, kvitniejučaja i niezaležnaja Biełaruś źjaŭlajecca adnym z klučavych faktaraŭ biaśpieki i dabrabytu Ukrainy. Tamu ja nie mahu moŭčki nazirać za tym, jak Biełaruś spaŭzaje ŭ biezdań chaosu i palityčnaj niavyznačanaści, — zajaviŭ Parašenka.
Ciapier čytajuć
Adstaŭny padpałkoŭnik milicyi adsudziŭ kvateru ŭ svajoj dački. Hučnaja siamiejnaja historyja z Bresta9
Kamientary