Padčas zvarotu da parłamienta i naroda Alaksandr Łukašenka raskrytykavaŭ svaich apanientaŭ, što jany nidzie nie pracujuć, a lepš by ŭziali stratnyja zavody:
«Kali našy kandydaty ci viečnyja ekśpierty-ekanamisty (nidzie nie pracavali, akramia internet-forumaŭ i tielehram-kanałaŭ) viedajuć recept, jak biez sacyjalnych vybuchaŭ, pa-asablivamu refarmavać asobnyja dziaržpradpryjemstvy, ja hatovy ich nie tolki vysłuchać.
Bolš za toje, abiacaju lubomu dać mahčymaść pakazać siabie na praktycy. Pradpryjemstvaŭ zvyšdastatkova mocnych, dobrych, naprykład, BATE, «Mahiloŭchimvałakno», «Biełšyna», «Kamvol», lubyja — vybirajcie, idzicie, pakažycie siabie, jak vy ŭmiejecie heta rabić. Ja ŭžo hady try tamu nazad niekalkim prapanavaŭ. Da hetaha času nie pryjšli».
Na słovy Łukašenki adreahavaŭ adzin z kandydataŭ na vybarach. Kiraŭnik partyi «Hramada» Siarhiej Čeračań zajaviŭ, što hatovy ŭznačalić «Minski matorny zavod».
«My hatovyja pravieści kompleksny aŭdyt (dyjahnostyku) na «Minskim matornym zavodzie» i dać padrabiaznaje zaklučeńnie ab dziejnaści pradpryjemstva z ukazańniem prablemnych zon. Na padstavie vynikaŭ aŭdytu nami buduć prapanavanyja rekamiendacyi pa płanie mierapryjemstvaŭ i kankretnych dziejańniaŭ dla vychadu pradpryjemstva z kryzisu i pavyšeńnia jaho efiektyŭnaści», — havorycca ŭ zajavie Čeračania.
U zajavie havorycca, što Čeračań prymaje prapanovu niezaležna ad vynikaŭ vybaraŭ.
Ciapier čytajuć
«Kali vy pazakryvajecie ja**lniki»: złoŭleny na dopinhu amapaviec z Hrodna pakazaŭ svajo vysokakulturnaje abličča10
Kamientary