Zaŭvažyli ŭ achovie kamandy Cichanoŭskaj dužych mužčyn? U štabie patłumačyli, chto jany
Adkul u kamandzie Śviatłany Cichanoŭskaj uzialisia maładziony, jakija supravadžajuć jaje ŭ turne pa Biełarusi, razabrałasia Radyjo Svaboda. U abjadnanym štabie pytańnie pieraadrasavali aktyvistam štaba Viktara Babaryki, dzie ŭzialisia zabiaśpiečyć achovu kandydatki na prezidenta. Aktyvist štaba Hleb Hiermančuk zapeŭniŭ, što da prafiesijnych achoŭnikaŭ jany nie źviartalisia — usio, što robicca dla achovy, robicca vałanciorami.
«Heta niekalki čałaviek. Na pikiecie, dzie ja byŭ, było 4—5 čałaviek. Miarkuju, siońnia ŭ Viciebsku (apytańnie pravodziłasia ŭčora — zaŭv. NN) budzie bolš, bo ludziej prychodzić z kožnym razam usio bolej. Ale heta nie achoŭniki, jany jak vałanciory adhuknulisia na zaklik jašče Viktara Babaryki i pryjšli ŭ jahonuju kamandu, a ciapier dapamahajuć Śviatłanie.
Dziaŭčat treba i da sceny davieści, i potym prasačyć, kab usio prajšło dobra, padnieści kvietki, vadu. Zrabić, kab było zručna ŭsim: Cichanoŭskaj, Kaleśnikavaj i Capkała.
My vielmi ŭdziačnyja vałancioram, što jany ŭziali na siabie hetuju pracu, ale, paŭtarusia, heta nie prafiesijnyja achoŭniki, a vałanciory z našaj kamandy, my ŭsich ich viedajem u tvar užo šmat času», — skazaŭ Hleb Hiermančuk sa štaba Viktara Babaryki.
Ciapier čytajuć
Litoviec Vitalijus Mockus zaniaŭ pasadu Stryžaka ŭ «Bajsole». Chto heta taki?21
Kamientary