Fienamienalna: tysiačy ludziej vitali Cichanoŭskuju ŭ votčynie Kačanavaj, Navapołacku FOTY, VIDEA
Kandydat u prezidenty Śviatłana Cichanoŭskaja praciahvaje jeździć pa krainie i vystupać na mitynhach. Siońnia pa darozie z Hłybokaha ŭ Viciebsk jana razam sa svajoj kamandaj pryjechała ŭ Navapołack. Na mierapryjemstva pryjšli tysiačy ludziej. Takoha ŭ Navapołacku nikoli raniej nie było.
Za kiłamietr ad miesca mitynhu stajali mašyny, ludziej tak šmat, što pryparkavacca niemahčyma.
U 16:55 źjaviłasia sama Cichanoŭskaja pad vopleski natoŭpu. U natoŭpie možna pabačyć nacyjanalnuju simvoliku.
«Śvieta, Śvieta», — vitajuć kandydatku ludzi.
Cichanoŭskaja pačała svajo vystupleńnie z karotkaha apisańnia svajho žyćcia i dziejnaści muža — Siarhieja Cichanoŭskaha.
Cichanoŭskaja kaža, što spačatku vielmi bajałasia, kali pryniała rašeńnie zarehistravacca, ale potym zrazumieła, što nie moža padvieści Siarhieja i ludziej, jakija jaho padtrymali.
«My ciapier adna siła», — skazała Cichanoŭskaja ab abjadnańni štaboŭ.
Tak sustrakali Cichanoŭskuju.
Kandydatka znoŭ paabiacała, što idzie ŭ prezidenty terminam nie bolš za paŭhoda. Jaje hałoŭnaja meta — praviadzieńnie novych sumlennych vybaraŭ u krainie. Cichanoŭskaja zapeŭnivaje, što palityčnych ambicyj ŭ jaje niama.
«Nie prychodźcie na daterminovaje hałasavańnie, prychodźcie 9 čysła», — kaža Cichanoŭskaja.
Paśla vystupu natoŭp iznoŭ pałka kryčaŭ: «Śvieta, Śvieta!» i «Lubim, možam, pieramožam!».
Paśla Cichanoŭskaj słova na trybunie ŭziała Maryja Kaleśnikava.
Svaju pramovu Kaleśnikava pačała z akcentavańnia ekałahičnych prablem — tema, aktualnaja dla pramysłovaha Navapołacka.
Pradstaŭnik štaba zajaviła, što kožnaje parušeńnie na vybarach budzie zafiksavana.
«Biełarusy vykarystoŭvajuć tolki zakonnyja mietady, a ŭłada adkazvaje na heta hvałtam», — kaža Kaleśnikava.
Paśla słova ŭziała Vieranika Capkała. Jana raskazała historyju pra adjezd jaje muža i dziaciej za miažu.
Capkała vykazała salidarnaść z palityčnymi viaźniami, jakija ciapier siadziać u izalatarach.
«Ja chaču žyć i hadavać svaich dziaciej u Biełarusi, a nie ŭ inšaj krainie», — emacyjna skazała Capkała.
Paśla vystupu Vieraniki Capkała mitynh na votčynie Natalli Kačanavaj pačaŭ pastupova zaviaršacca. Nastupny punkt pryznačeńnia — Viciebsk.
Ciapier čytajuć
Anžalika Mielnikava paśla źniknieńnia nabyła dźvie kvatery ŭ Minsku80
Kamientary