«Apieratyŭna vyklikaješ dvuch astatnich». AŬDYJA, na jakim abmiarkoŭvajuć, jak nie puścić niezaležnych naziralnikaŭ
U internet trapiŭ cikavy aŭdyjazapis. Na im dźvie žančyny abmiarkoŭvajuć, jak nie dapuścić na vybarčyja ŭčastki niezaležnych naziralnikaŭ.
Adna ź ich tłumačyć, što praŭładnym naziralnikam nie abaviazkova dziažuryć ceły dzień u poŭnym składzie.
«Ceły dzień — kali na ŭčastku nie prysutničaje starońni naziralnik. Vy adkryli ŭčastak i syšli. Zastajecca adzin [naziralnik], jaki staić pa hrafiku. U vypadku, kali chtości prychodzić i zachoča panazirać, kamisija kaža, što try naziralniki ŭ nas užo jość na siońnia: «Na žal, vam niama miesca prysieści. Dziejničaje abmiežavańnie pa kolkaści». I apieratyŭna vyklikajuć astatnich dvuch [naziralnikaŭ], jakija rankam prybyli i potym syšli», — instruktuje dama na aŭdyjozapisie.
Telehram-kanał «Maja kraina Biełaruś» zapeŭnivaje, što hałasy naležać staršyni Połackaha rajkama prafsajuza rabotnikaŭ adukacyi i navuki Marynie Paškievič i namieśnicy načalnika adździeła ideałahičnaj pracy i pa spravach moładzi Połackaha rajvykankama Volzie Sapun.
«Naša Niva» źviazałasia z Marynaj Paškievič, kab spytać: što za instrukcyi takija?
«Ja mahu vam adkazać tolki adno: heta ŭsio niapraŭda. Usio, dziakuj», — pasprabavała skončyć razmovu prafarh, čyj hołas padobny da taho, što hučyć na aŭdyja.
«Nie było takoha abmierkavańnia?» — «Nie».
«I zapis hety fejkavy?» — «Biez kamientaroŭ».
Padčas letašniaj parłamienckaj kampanii Paškievič uznačalvała akružnuju kamisiju na Połackaj sielskaj vybarčaj akruzie №28. Sioleta jaje imia nie zhadvajecca siarod arhanizataraŭ vybaraŭ.
U terytaryjalnaj Połackaj kamisii pra zapis nie viedajuć.
«A jak jany mohuć nie dapuścić naziralnikaŭ? Stanuć u dźviarach? — śmiajecca staršynia kamisii Lodzij Łysionak. Jon pracuje ideołaham na połackim vadakanale. — Usio treba rabić jurydyčna pravilna. Abmiežavanaja kolkaść — piać čałaviek u paradku rehistracyi. Kali pryjšło piać pieršych, jany nazirajuć, kali chtości zachvareŭ — nastupny».
Łysionak kaža, što kamisija nie davodzić nijakich instrukcyj naziralnikam.
«Dla nas jany ŭsie adnolkavyja: što levyja, što pravyja, što praŭładnyja, što apazicyjnyja. Maja sprava — pracavać z kamisijaj. My nie majem pravavych paŭnamoctvaŭ, kab davać ukazańni».
Litoviec Vitalijus Mockus zaniaŭ pasadu Stryžaka ŭ «Bajsole». Chto heta taki?34
Kamientary