Advakaty Babaryki: Abvinavačvańnie znoŭ abskardžanaje — i pa formie, i pa sutnaści
Advakaty Viktara Babaryki Alaksandr Pylčanka i Dźmitryj Łajeŭski padali skarhu na imia Hienieralnaha prakurora na niadaŭna atrymany adkaz načalnika adździeła prakuratury datyčna abskardžańnia abvinavačvańnia, raspaviali TUT.BY advakaty.
Adkaz načalnika adździeła prakuratury byŭ dadzieny na skarhu abaroncaŭ, jakaja padavałasia 7 lipienia — tady advakaty abskardzili abvinavačvańnie, pradjaŭlenaje Viktaru Babaryku, jano parušała prava na abaronu, pakolki nie dazvalała zrazumieć, jakija mienavita dziejańni inkryminujucca.
- I voś my atrymali adkaz, jon składajecca z čatyroch skazaŭ teksta, ź jakich tolki dva skazy datyčacca taho, čamu naša skarha na abvinavačvańnie nie zadavolenaja, što nielha ličyć dastatkovym, bo zakon abaviazvaje prakurora ŭsiebakova pravieryć i acanić pryviedzienyja ŭ skarzie dovady abaroncy. Tamu ciapier my abskardzili i hety atrymany adkaz, i abvinavačvańnie, pryvioŭšy da raniej vykładzienych dadatkovyja dovady. Tak što abvinavačvańnie znoŭ abskardžanaje - i pa formie, i pa sutnaści — raspaviali abaroncy Babaryki.
Eks-pretendenta ŭ prezidenty advakaty Natalla Mackievič i Dźmitryj Łajeŭski naviedali ŭ čaćvier dniom, kali jašče nie było viadoma pra toje, što Viarchoŭny sud admoviŭ u zaviadzieńni spravy pa jaho skarzie.
— Raskažam Viktaru Dźmitryjeviču pry nastupnaj sustrečy. Ale ŭsie hetyja składanaści jon usprymaje mužna — adznačajuć abaroncy.
Kamientary