Pałtaŭski napadnik, jaki siońnia ŭziaŭ u zakładniki rabotnika palicyi i na aŭtamabili jechaŭ u Kijeŭ, adpuściŭ mužčynu i ŭciok. Śpiecapieracyja pa jaho zatrymańni praciahvajecca, paviedamili Bi-bi-si Ukraina ŭ palicyi Pałtaŭskaj vobłaści.
Na pytańnie, ci z zakładnikam usio dobra, u palicyi ŭdakładnili — «jaho adpuścili, ale ci ŭsio dobra, pakul nieviadoma».
Ranicaj u čaćvier u Pałtavie mužčyna, jakoha padazravali ŭ niezakonnym zavałodańni transpartnymi srodkami, padčas zatrymańnia dastaŭ hranatu i pahražaŭ jaje padarvać.
U toj momant jon trymaŭ za ruku supracoŭnika kryminalnaha vyšuku. Krychu paźniej mužčyna pahadziŭsia abmianiać jaho na načalnika ŭpraŭleńnia kryminalnaha vyšuku ŭ Pałtaŭskaj vobłaści, pałkoŭnika palicyi Vitala Šyjana.
Napadnikam akazaŭsia 32-hadovy miascovy žychar Raman Skrypnik.
Jaho ŭžo pryciahvali da kryminalnaj adkaznaści ŭ 2007, 2008 i 2014 hadach.
Patrabavańniami napadnika było vyzvalić jaho ad adkaznaści za ŭsie złačynstvy.
Biełaruskija abrady, arnamienty i biełaruskaja mova paŭsiul. Jak naščadak pierasialencaŭ zrabiŭ siało kala Bajkała znoŭ biełaruskim, i čamu heta moža chutka skončycca99
Kamientary