Pietrazavodski haradski sud prysudziŭ kiraŭnika Karelskaha adździaleńnia «Miemaryjała» Juryja Dźmitryjeva da troch z pałovaj hadoŭ kałonii, piša RBK.
«Prysud ja jašče nie atrymaŭ na ruki, ale papiaredni termin pakarańnia — 3 hady i 6 miesiacaŭ. Takim čynam, jon pavinien vyjści na svabodu prykładna 10-12 listapada. Jon pakul adsiedzieŭ 2 hady i 2,5 miesiaca», - raspavioŭ RBK advakat Dźmitryjeva Viktar Anufryjeŭ.
Dźmitryjeva abvinavacili ŭ seksualnych dziejańniach hvałtoŭnaha charaktaru ŭ adnosinach da jaho niepaŭnaletniaj pryjomnaj dački, prakuratura prasiła dla jaho pakarańnia ŭ vyhladzie 15 hadoŭ źniavoleńnia. Praces prachodzić u zakrytym režymie.
Juryj Dźmitryjeŭ — historyk-amatar i krajaznaŭca, u 1990-ja hady vyjaviŭ niekalki najbujniejšych pachavańniaŭ achviar stalinskich represij: kala uročyšča Sandarmoch (kala 9,5 tys. rastralanych), u Čyrvonym Bary (amal 1200 čałaviek) i na Siekirnaj hary na Vialikim Sałavieckim vostravie. Pad jaho redakcyjaj vychodzili knihi pamiaci achviar palityčnych represij u Karelii. Karelskaje adździaleńnie «Miemaryjała» jon uznačaliŭ u 2014 hodzie.
Kryminalny pieraśled Dźmitryjeva praciahvajecca z 2016 hoda. Tady jaho abvinavacili ŭ vyrabie dziciačaj parnahrafii i raspusnych dziejańniach u dačynieńni da padčarycy, jakoj u 2016 hodzie było 11 hadoŭ. Usiaho ŭ spravie fihuravała 140 fotazdymkaŭ, 9 ź ich byli pryznanyja parnahrafičnymi. Historyk patłumačyŭ ich źjaŭleńnie tym, što vioŭ dziońnik zdaroŭja dziciaci paśla ŭdačareńnia, dzicia trapiła da jaho ŭ siamju chudym i asłablenym. Jaho abarona zajaŭlała, što Dźmitryjeŭ bajaŭsia pazbaŭleńnia baćkoŭskich pravoŭ i viartańnia dački ŭ dziciačy dom, paśla taho jak u 2008 hodzie orhany apieki pryniali ślady, tyja, što zastalisia na ciele dziciaci paśla harčyčnikaŭ, za siniaki ad źbićcia.
U padtrymku Dźmitryjeva vykazvalisia viadomyja intelektuały, u tym liku Śviatłana Aleksijevič.
Ciapier čytajuć
Łukašenka: Što tvorycca ŭ krainie, u nas usie hetuju huś kruciać25
Łukašenka: Što tvorycca ŭ krainie, u nas usie hetuju huś kruciać
«Kali mnie było dva hady, svajaki pavieźli mianie ŭ Biełaruś». Praz sacsietki dziaŭčyna adšukała baćku-rasijanina — ale skončyłasia historyja sumna2222
«Kali mnie było dva hady, svajaki pavieźli mianie ŭ Biełaruś». Praz sacsietki dziaŭčyna adšukała baćku-rasijanina — ale skončyłasia historyja sumna22
Pamiatajecie minčuka, jaki ŭ 2017‑m vyratavaŭ ściah z-pad noh amapaŭcaŭ — koštam svajoj svabody? Ciapier jamu, byłomu palitviaźniu, patrebnaja dapamoha1414
Pamiatajecie minčuka, jaki ŭ 2017‑m vyratavaŭ ściah z-pad noh amapaŭcaŭ — koštam svajoj svabody? Ciapier jamu, byłomu palitviaźniu, patrebnaja dapamoha14
«Biełaruś jany bačać častkaj Rasii». Što značyć uzdym «Alternatyvy dla Hiermanii», nakolki daloka heta moža zajści i jak siabie pazicyjanavać biełarusam5757
Kamientary