«Samy vialiki ekałahičny prychilnik u vas — heta ja». Łukašenka paabiacaŭ pravieści ŭ Breście refierendum
Alaksandr Łukašenka paabiacaŭ abviaścić u Breście refierendum nakont losu akumulatarnaha zavoda. Pra heta jon zajaviŭ siońnia, razmaŭlajučy z žycharami abłasnoha centra, pieradaje BiełTA.
«My pryniali rašeńnie. Chaj vyrašać žychary. Pa akumulatarnym jak vyrašycie, tak i budzie. Ja vam heta harantuju i abiacaju. Ja zajmu niejtralnuju pazicyju, arhanizuju refierendum. A vy, tolki biez hvałtu, šumu. Vyznačym miesca, budziecie zaklikać ludziej, debatavać. Jak na vybarach», — skazaŭ kiraŭnik dziaržavy.
«Samy vialiki ekałahičny prychilnik u vas — heta prezident Biełarusi. Dla mianie heta śviatoje. Navat ja, budučy prezidentam, dryžu za kožnaje dreŭca», — dadaŭ Łukašenka.
Siarod udzielnikaŭ sustrečy byŭ miascovy ekaaktyvist Dźmitryj Biekaluk. Jon pahadziŭsia z prapanovaj kiraŭnika dziaržavy ab praviadzieńni refierendumu. «Kali, jak vy skazali, hety refierendum adbudziecca, bieraściejcy tolki buduć udziačnyja», — zajaviŭ jon.
«U hetym možaš nie sumniavacca. Heta niepasrednyja paŭnamoctvy prezidenta — arhanizavać refierendum u lubym punkcie krainy», — adkazaŭ Łukašenka.
Ciapier čytajuć
Babaryka zajaviŭ pra viartańnie ŭ palityku i nazvaŭ vinavataha ŭ tym, što źmieny nie adbylisia ŭ 2020-m63
Babaryka zajaviŭ pra viartańnie ŭ palityku i nazvaŭ vinavataha ŭ tym, što źmieny nie adbylisia ŭ 2020-m
Dzieci źlizvali z brudnaj padłohi pralitaje małako. Jakoj pabačyŭ zamiežnik Biełaruś, spustošanuju rasijskimi i šviedskimi vojskami ŭ čas Paŭnočnaj vajny1212
Kamientary