Kab sustrecca... z patryjarcham Maskoŭskim Kiryłam.
10 krasavika Alaksandr Łukašenka sustreniecca ŭ Maskvie z patryjarcham Maskoŭskim i usioj Rusi Kiryłam.
Pra heta BiełaPAN paviedamili ŭ pres‑słužbie Patryjarchata.
Sustreča zapłanavanaja na 13.30 pavodle maskoŭskaha času ŭ patryjaršaj rezidencyi Śviata‑Daniłavaha manastyra.
U pres‑słužbie prezidenta Biełarusi hetu infarmacyju pakul nie kamientujuć.
Za apošni miesiac heta budzie ŭžo treci vizit Alaksandra Łukašenki ŭ Rasiju. 19 sakavika jon sustrakaŭsia z prezidentam Rasii Dźmitryjem Miadźviedzievym u padmaskoŭnym Zavidavie.
21 sakavika prezidenty dźviuch krain praviali pieramovy ŭ Sočy. Tam ža 25 sakavika Łukašenka sustrakaŭsia z patryjarcham Kiryłam. Pavodle źviestak pres‑słužby biełaruskaha prezidenta, baki «abmianialisia mierkavańniami pa pytańniach, što ŭjaŭlajuć uzajemnuju zacikaŭlenaść śvieckaj i duchoŭnaj uładaŭ», a taksama damovilisia pravieści najbližejšym časam aficyjnuju sustreču.
3 krasavika adbyłasia telefonnaja razmova prezidentaŭ Biełarusi i Rasii, padčas jakoj abmiarkoŭvałasia mahčymaść sustrečy Łukašenki i Miadźviedzieva najbližejšym časam. «Alaksandr Łukašenka i Dźmitryj Miadźviedzieŭ abmierkavali aktualnyja pytańni dvuchbakovych biełaruska‑rasijskich ekanamičnych adnosin i damovilisia ab asabistych dvuchbakovych kantaktach najbližejšym časam», — paviedamiła pa vynikach sustrečy pres‑słužba Łukašenki.
Kamientary