Aktyvistka sa Słaŭharada Anžalika Kałatazišvili ŭviečary 11 červienia paviedamiła MSPRING.ONLINE, što da jaje zajavilisia supracoŭniki adździeła ŭnutranych spraŭ.
Pryčynaj staŭ jaje post u «Adnakłaśnikach» za 25 kastryčnika 2019 hoda. Žančyna repostnuła sabie na staronku film NEXTA.
Pa jaje słovach, na jaje pastupiła skarha z UUS Mahiloŭskaha abłvykankama.
— Milicyjanty skłali pratakoł apytańnia, cikavilisia, što ja raźmiaščaju ŭ svaich sacsietkach i navošta. Pytalisia, čym mnie spadabaŭsia hety film. Ja ščyra skazała, što ja nie padtrymlivaju isnujučuju ŭładu ŭ Biełarusi i što chtości, vidavočna, nakłaŭ u štany, — raspaviała Kałatazišvili.
Žančyna taksama zajaviła, što supracoŭniki milicyi biez dazvołu zdymali jaje na kamieru. Nastojlivyja prośby Anžaliki spynić videazdymku milicyja praihnaravała. Jak raspaviała Kałatazišvili, siłaviki papiaredzili, što jany pryjeduć jašče raz.
Ciapier čytajuć
28‑hadovy biełarus pajechaŭ u Rasiju i ažaniŭsia. Adrazu zavierbavaŭsia na vajnu, pavajavaŭ miesiac — i zahinuŭ11
28‑hadovy biełarus pajechaŭ u Rasiju i ažaniŭsia. Adrazu zavierbavaŭsia na vajnu, pavajavaŭ miesiac — i zahinuŭ
«Ja ich ni pra što nie prasiŭ i tym bolš — vysyłać mianie z radzimy». Departavanyja palitviaźni rezka adkazali Kavaleŭskamu. Nie abyšłosia biez abrazaŭ4444
Kamientary