Za padtrymku Siarhieja Cichanoŭskaha ŭ Mahilovie asudzili jašče adnaho čałavieka
U Mahilovie — jašče adna represiravanaja pa «kiejsie Cichanoŭskaha». 5 červienia ŭ sudzie Kastryčnickaha rajona sudździa Natalla Kraškina pryjšła da vysnovy, što mahilaŭčanka Volha Łoban vinavataja ŭ parušeńni zakona ab masavych mierapryjemstvach, paviedamlaje Mahiloŭskaja viasna.
Pavodle rapartu milicyi, Łoban «z 17:30 da 19:30 uziała ŭdzieł u niesankcyjanavanym mitynhu» na Viciebskim praśpiekcie 5 maja.
Nahadajem, u hety dzień u Mahiloŭ prybyła kamanda Youtube-kanała «Kraina dla žyćcia» błohiera Siarhieja Cichanoŭskaha. Na Viciebskim praśpiekcie milicyja pasprabavała zatrymać niekatorych udzielnikaŭ kamandy, a taksama šukała samoha Cichanoŭskaha.
Mahiloŭcy zmahli adbić u supracoŭnikaŭ MUS členaŭ «Krainy dla žyćcia», adnak adrazu paśla hetaha milicyja «adpomściła» — zaviała dva dziasiatki spraŭ ab administracyjnym pravaparušeńni ŭ dačynieńni da roznych ludziej. Siarod ich — i Volha Łoban.
Žančyna vychoŭvaje dvuch niepaŭnaletnich dziaciej. Akramia taho, u jaje jość prablemy sa zdaroŭjem — lekary prysvoili joj treciuju hrupu invalidnaści pa zroku.
Na sudzie 5 červienia Łoban paćvierdziła, što znachodziłasia na Viciebskim praśpiekcie ŭ paznačany dzień, adnak svaju vinu va ŭdziele ŭ niesankcyjanavanym mitynhu jana nie pryznała.
Adzinaje, što milicyja zmahła pryvieści ŭ jakaści dokazu jaje viny padčas administracyjnaha pracesu — heta kadr ź videastryma.
Sudździa Natalla Kraškina ŭstała na bok milicyi i ŭ jakaści pakarańnia pryznačyła Volzie Łoban štraf 20 bazavych vieličyń (540 rubloŭ).
Kamientary