Źnikły 9-ha traŭnia pazaštatny karespandent BiełaPAN Aleś Asipcoŭ zatrymany za, nibyta, administracyjnaje pravaparušeńnie. Pra heta «Svabodzie» paviedamiła žonka žurnalista Alena Asipcova, jakoj hetuju infarmacyju paćvierdzili aficyjna.
«Pazvanili z Mahiloŭskaha IČU i skazali, što Aleś Asipcoŭ znachodzicca ŭ ich za administracyjnaje pravaparušeńnie da suda. Skazali, što sud budzie chutčej za ŭsio zaŭtra», — raspaviała spadarynia Alena.
Jak paviedamlaje BAŽ, mahiloŭski aktyvist Vaładar Curpanaŭ vyśvietliŭ, što ŭ paniadziełak jaho majuć sudzić. Pa jakim artykule — nieviadoma.
9 traŭnia ŭ Babrujsku prajšoŭ niesankcyjanavany «antyparad», na jaki zaklikaŭ błohier Siarhiej Cichanoŭski. Pierad akcyjaj zatrymali šerah žurnalistaŭ, siarod jakich byŭ i Aleś Asipcoŭ.
Šerah kalehaŭ Asipcova i jahonaja žonka telefanavali ŭ babrujskija UUS i RAUS, a taksama ŭ DPS — tam nie dali nijakaj dakładnaj infarmacyi pra Alesia, a žoncy paraili pisać zajavu ab źniknieńni. Telefon Asipcova pa-raniejšamu niedasiažny.
Dačka žurnalista prasačyła telefon baćki praz admysłovuju prahramu — aparat znachodzicca ŭ Babrujsku, na vulicy Hohala, 18. Heta adździeł milicyi Leninskaha rajonu Babrujsku.
Kamientary