Statkievič: Cichanoŭskaha ja papiaredžvaŭ, a apazicyja znoŭ nie hatovaja. Stratehija jość tolki ŭ nas
Kiraŭnik Biełaruskaha nacyjanalnaha kanhresu (BNK) i «Narodnaj hramady» Mikałaj Statkievič padzialiŭsia svaim bačańniem prezidenckich vybaraŭ, jakija projduć 9 žniŭnia.
«My dapuskali takuju mahčymaść, što vybary projduć raniej za zapłanavany čas. Była imaviernaść navat taho, što vybary projduć u lipieni. Čas abrany nie vypadkova. Partyjnaja apazicyja, jak zaŭsiody, akazałasia nie hatovaja. Im ža piaci hadoŭ mała! Situacyja z pandemijaj uvieś čas paharšajecca, tamu i treba było pryśpiešvać tak zvanyja «vybary».
Taksama my bačym niejtralizacyju novych asob, błohieraŭ. Ja papiaredžvaŭ Siarhieja Cichanoŭskaha, što pavinna być davieranaść na niejkuju asobu, kab ad jaho imia mahli padać dakumienty na rehistracyju. Ja nie viedaju, ci pasłuchaŭ mianie Siarhiej.
U maładych časta jość vializnaje žadańnie baraćby. U volnaj baraćbie ci hreka-rymskaj pierad tym, jak stać u dvuboj, moładź trenirujecca na pudzile. Voś i ŭ mnohich maładych adčuvańnie, što jany iduć suprać pudziła. A ŭłada ž rychtuje svaje kontrmiery, robić analityku. Heta i jość zmahańnie.
My [BNK — «NN»] — adzinyja padrychtavanyja da kampanii, chaj i nie ŭ poŭnym abjomie. Ale ŭ nas jość stratehija, jana pryniataja, buduć unosicca niejkija karektyvy, ale jana pracuje.
Ułada padłaviła i nas krychu. 12-14 maja ŭ «Narodnaj Hramady» byŭ zapłanavany źjezd anłajn. Ale ničoha strašnaha, praviadziom u bolš ścisnuty termin. Adzinaje, što mianie zasmučaje — praciahvajucca represii suprać našych siabroŭ u rehijonach.
My nie idziom udzielničać u prezidenckich vybarach, my vykarystoŭvajem hety cyrk u svaich metach. Lehalnaja mahčymaść praviadzieńnia pikietaŭ. Na parłamienckich vybarach my pakazali, jak heta dziejničała, kali niekalki dziasiatkaŭ pikietaŭ było pa ŭsioj krainie.
Pieršapačatkova płanavałasia, što kandydatami pratestu stanie kala 30 čałaviek, stolki, moža, i nie atrymajecca, ale nie mienš za 20 čałaviek pavinna być. U majoj inicyjatyŭnaj hrupie budzie 2600-3000 čałaviek, ja razumieju, što dyktatar nie pojdzie na maju rehistracyju praź nieźniatuju sudzimaść. Ale my idziom u kampaniju, kab patrabavać sumlennych vybaraŭ biez Łukašenki, ale sa Statkievičam. Jašče jość čas dałučycca da majoj kampanii».
Usie biełaruskija banki pačnuć sačyć za miescaznachodžańniem klijentaŭ? Alfa-bank užo papiaredziŭ, admovicca niemahčyma16
Usie biełaruskija banki pačnuć sačyć za miescaznachodžańniem klijentaŭ? Alfa-bank užo papiaredziŭ, admovicca niemahčyma
Kala Safii ŭ Połacku pastavili pomnik lotčykam Ničyparčyku i Kukanienku. Ale navat nie samalot toj madeli, na jakoj jany zahinuli, a aerapłan stalinskaha času2020
Kamientary