Nie tolki antysieptyk. JUNISIEF ahučyŭ poŭny śpis taho, što płanuje zakupić na $1,5 miljona, jaki źbiraje ŭ biełarusaŭ
JUNISIEF zaklikaje biełaruski biznes i žycharoŭ krainy sabrać $1,5 miljona na dapamohu miedykam. Hetych hrošaj, pa ich acenkach, chopić na 4 miesiacy bieśpierapynnaj pracy biełaruskich balnic.
Siarod taho, što płanujuć pastavić z-za miažy, — 1,5 miljona litraŭ antysieptyku. Ale jaho, pa słovach vałancioraŭ, chapaje i na našych pradpryjemstvach.
Mižnarodny fond raskazaŭ «Našaj Nivie» pra svaje płany bolš padrabiazna.
Voś poŭny śpis taho, što płanuje zakupić fond na sabranyja hrošy:
• antysieptyki i srodki asabistaj hihijeny — 1 500 000 litraŭ;
• test-sistemy dla COVID-19 (u kamplekcie z raschodnymi materyjałami dla łabaratoryj) — bolš za 100 000 štuk;
• prybory dystancyjnaha vymiareńnia tempieratury — 2100 štuk;
• hihijeničnyja nabory dla majučych patrebu — 770 tysiač štuk;
• achoŭnyja maski — 8 miljonaŭ štuk;
• chałaty achoŭnyja — 2600 štuk;
• palčatki — 370 000 par;
• reśpiratary — 600 000 adzinak;
• akulary achoŭnyja — 50 000 adzinak;
• ščytki achoŭnyja — 50 000 adzinak;
• kaściumy achoŭnyja — 50 000 adzinak;
• kambiniezony achoŭnyja — 100 000 adzinak;
• palčatki miedycynskija — 10,5 młn adzinak;
• kancentratary kisłarodnyja — 100 adzinak.
«Pačynajučy z maja, JUNISIEF budzie pieradavać častku nabytaha abstalavańnia i srodkaŭ indyvidualnaj abarony vałancioram inicyjatyvy ByCovid-19 dla dalejšaha raźmierkavańnia pa miedyčnych ustanovach u kaardynacyi ź Ministerstvam achovy zdaroŭja», — kažuć u fondzie.
Čytajcie. JUNISIEF źbiraje ŭ biełarusaŭ hrošy, kab zakupić 1,5 miljona litraŭ antysieptyku. Vałanciory: Bolš patrebny reśpiratary
Ciapier čytajuć
Na pratestancki fiestyval u «Čyžoŭku-Arenu» jedzie amierykanski prapaviednik Franklin Hrem. Razam ź im čakajuć Koŭła z žonkaj12
Kamientary