Blizki da siłavych struktur telehram-kanał «Paparatar» paviedamiŭ, što 30 krasavika na poštu Biełaruskaj čyhunki pryjšło piśmo ab minavańni. Niezvyčajnaść jaho zaklučałasia ŭ tym, što teraryst padpisaŭsia. Pad listom stajała imia Uładzimira Cyhanoviča.
Uładzimir Cyhanovič — viadomy błohier, jaki chavajecca pad nikam MozgOn. Na jahony jutub-kanał padpisana amal 65 tysiač karystalnikaŭ. Mazhon staŭ adnym z najbolš radykalnych krytykaŭ siońniašniaj ułady ŭ internecie. Niekalki razoŭ jon arhanizoŭvaŭ vuličnyja schody, u tym liku suprać pavyšeńnia cenaŭ pa paliva.
«Cyhanoviča zatrymała milicyja», — piša «Paparatar». — Padobna da taho, što pahonia za papularnaściu zhulała z Vovam drenny žart. Ciapier jon ryzykuje nie pavialičyć svaju aŭdytoryju, a nadoŭha ź joj raźvitacca. Svoj chajp Vova, kaniečnie, złaviŭ. Ciapier całkam moža złavić i termin».
«NN» atrymałasia źviazacca z Uładzimiram Cyhanovičam, jon znachodzicca na voli. «Pa ŭkazanym na «Paparatary» adrasie pražyvaje moj 88-hadovy dziadula, taksama Uładzimir Uładzimiravič Cyhanovič. Ale jaho daŭno niama pa hetym adrasie», — adznačaje Cyhanovič.
Jon nazyvaje absalutnym fejkam usio, što było źmieščana ŭ telehram-kanale. «Ni ja, ni moj dzied, viadoma, takoha nie adpraŭlali». Siłaviki pakul nie cikavilisia samim Cyhanovičam, jaho nie zatrymlivali, nie pravodzili dopyty.
Palitviaźniaŭ pa ŭsioj krainie apytvajuć: paśla pamiłavańnia vy chočacie zastacca ŭ Biełarusi ci źjazdžać?9
Palitviaźniaŭ pa ŭsioj krainie apytvajuć: paśla pamiłavańnia vy chočacie zastacca ŭ Biełarusi ci źjazdžać?
Ahientka Kardaš vykarystoŭvała seks, kab źbirać infarmacyju pra kalinoŭcaŭ i zavierbavać ukrainskaha kamandzira. A kurataru KDB pisała pra jaho: «Moj łoch»3535
Kamientary