Блізкі да сілавых структур тэлеграм-канал «Папаратар» паведаміў, што 30 красавіка на пошту Беларускай чыгункі прыйшло пісьмо аб мінаванні. Незвычайнасць яго заключалася ў тым, што тэрарыст падпісаўся. Пад лістом стаяла імя Уладзіміра Цыгановіча.
Уладзімір Цыгановіч — вядомы блогер, які хаваецца пад нікам MozgOn. На ягоны ютуб-канал падпісана амаль 65 тысяч карыстальнікаў. Мазгон стаў адным з найбольш радыкальных крытыкаў сённяшняй улады ў інтэрнэце. Некалькі разоў ён арганізоўваў вулічныя сходы, у тым ліку супраць павышэння цэнаў па паліва.
«Цыгановіча затрымала міліцыя», — піша «Папаратар». — Падобна да таго, што пагоня за папулярнасцю згуляла з Вовам дрэнны жарт. Цяпер ён рызыкуе не павялічыць сваю аўдыторыю, а надоўга з ёй развітацца. Свой хайп Вова, канечне, злавіў. Цяпер цалкам можа злавіць і тэрмін».
«НН» атрымалася звязацца з Уладзімірам Цыгановічам, ён знаходзіцца на волі. «Па ўказаным на «Папаратары» адрасе пражывае мой 88-гадовы дзядуля, таксама Уладзімір Уладзіміравіч Цыгановіч. Але яго даўно няма па гэтым адрасе», — адзначае Цыгановіч.
Ён называе абсалютным фэйкам усё, што было змешчана ў тэлеграм-канале. «Ні я, ні мой дзед, вядома, такога не адпраўлялі». Сілавікі пакуль не цікавіліся самім Цыгановічам, яго не затрымлівалі, не праводзілі допыты.
28‑гадовага авіятара асудзілі на 13 гадоў калоніі: «здрада дзяржаве» за перапіску з аднакурснікамі з УСУ11
28‑гадовага авіятара асудзілі на 13 гадоў калоніі: «здрада дзяржаве» за перапіску з аднакурснікамі з УСУ
Басіст «Пятлі», яго 18‑гадовы сын і зорка «Разбітага сэрца пацана» — расказваем пра беларускамоўны гурт Prypiać, які прэзентаваў аўтарскую «Калыханку»1010
Басіст «Пятлі», яго 18‑гадовы сын і зорка «Разбітага сэрца пацана» — расказваем пра беларускамоўны гурт Prypiać, які прэзентаваў аўтарскую «Калыханку»10
Небарака з Ляхавічаў знік «на СВА» ўжо на трэці дзень, а ў барацьбе за грабавыя счапіліся сястра, сужыцелька і жонка — з чатырма дзецьмі, але чужымі88
Каментары