Minzdaroŭja raspracavała pamiatku dla pacyjentaŭ ź bieśsimptomnym ci lohkim chodam COVID-19
Ministerstva achovy zdaroŭja raspracavała pamiatku dla pacyjentaŭ, jakija znachodziacca doma ŭ suviazi ź bieśsimptomnym ci lohkim chodam COVID-19, paviedamlaje Źviazda.
U Ministerstvie achovy zdaroŭja rastłumačyli, što doma mohuć znachodzicca tolki pacyjenty ź bieśsimptomnym ci lohkim chodam zachvorvańnia, małodšyja za 55 hadoŭ, što nie majuć chraničnych zachvorvańniaŭ, jakija zvyčajna paharšajuć ciačeńnie virusnaj infiekcyi: cukrovy dyjabiet, chraničnaja sardečnaja niedastatkovaść, branchijalnaja astma i inš.
Doktar abaviazkova prymaje da ŭvahi, ci jość u čałavieka mahčymaść absłuhoŭvać siabie samastojna abo z dapamohaj svajakoŭ. Važna, kab žyllovyja ŭmovy dazvalali žyć izalavana. U sielskaj miascovaści ŭličvajucca realny čas prybyćcia chutkaj miedycynskaj dapamohi i terytaryjalnaja blizkaść arhanizacyi achovy zdaroŭja.
Kali doktar pryniaŭ rašeńnie, što pacyjent moža lačycca doma, jamu prapanujuć padpisać infarmavanuju zhodu. Budzie pryznačana lačeńnie.
Doma pavinny być termomietr (norma tempieratury cieła 36,7 hradusa), hadzińnik ź siekundnaj strełkaj dla vymiareńnia pulsa i častaty dychańnia (va ŭzroście 15-50 hadoŭ norma — 60-85 udaraŭ za chvilinu, va ŭzroście ad 50 i bolš — 70-90 udaraŭ za chvilinu), tanomietr (norma 120/80 mm.rt.s. da 140/90 mm.rt.s.), pulsaksimietr (kali jość), pry paćvierdžanaj pnieŭmanii dyjahnostyku abaviazkova pravodzić miedrabotnik palikliniki na damu, telefon. U abaviazkovym paradku pry najaŭnaści spadarožnych zachvorvańniaŭ doma treba mieć usie bazavyja preparaty dla lačeńnia asnoŭnych zachvorvańniaŭ.
Praz kožnyja try hadziny (kali jość nieabchodnaść — čaściej) nieabchodna pravodzić vymiareńnie asnoŭnych pakazčykaŭ zdaroŭja: tempieratury, častaty dychańnia, pulsa, arteryjalnaha cisku (pry najaŭnaści chvarob sistemy krovazvarotu), pulsaksimietryi.
Miedrabotniki buduć telefanavać pacyjentu kožny dzień. Niekalki razoŭ za čas balničnaha jaho naviedajuć na damu. U Ministerstvie achovy zdaroŭja adznačyli, što ŭsie miedrabotniki pry naviedvańni pacyjentaŭ z COVID-19, a taksama ŭ časie pracy va ŭstanovie achovy zdaroŭja abaviazany vykarystoŭvać srodki indyvidualnaj abarony.
Kali stan pacyjenta paharšajecca, jaho špitalizujuć dla lačeńnia pad nahladam daktaroŭ.
Anžalika Mielnikava paśla źniknieńnia nabyła dźvie kvatery ŭ Minsku90
Anžalika Mielnikava paśla źniknieńnia nabyła dźvie kvatery ŭ Minsku
«Ź piaci varyjantaŭ try kvatery zdavalisia tolki hramadzianam Biełarusi». Rasijanie pierajechali ŭ Homiel paśla ataki USU na Bransk — što ich dzivić?2323
Kamientary