Tramp paabiacaŭ pryciahnuć Piekin da adkazu za ŭtojvańnie faktaŭ pra karanavirus
Ułady Kitaja pavinny panieści adkaznaść, kali vyjavicca, što jany chavali realnyja źviestki pra karanavirus. Pra heta zajaviŭ amierykanski prezident Donald Tramp padčas bryfinhu ŭ Biełym Domie.
«Kali vyśvietlicca, što jany (ułady KNR) naŭmysna chavali fakty, to pavinny być nastupstvy», — skazaŭ Tramp.
Pry hetym jon nie vyklučyŭ, što Piekin ździejśniŭ pamyłku nie śpiecyjalna «Pamyłki zdarajucca», — zajaviŭ Tramp, adznačyŭšy, što heta nie tak strašna, jak nakiravanaje ŭtojvańnie źviestak.
Kaardynatar pa supraćdziejańni karanavirusu ŭ administracyi ZŠA Debora Birk padčas bryfinhu dadała, što ŭłady ZŠA ličać źviestki kitajskich uładaŭ ab zachvorvańni, śmiarotnaści ad COVID-19, a taksama ab chodzie raspaŭsiudžvańnia zachvorvańnia nierealnymi.
«Vy možacie bačyć, nakolki nierealnymi jany mohuć być», — skazała Birk.
Kamientary