U Pružanach žychary i biznes zakupili dla balnicy dadatkovyja kisłarodnyja kancentratary
«Vialikuju sponsarskuju dapamohu nam akazvajuć jurydyčnyja i fizičnyja asoby, jakija zakuplajuć dla miedrabotnikaŭ srodki indyvidualnaj abarony i pieraličvajuć srodki na naš pazabiudžetny rachunak, — raskazaŭ u intervju haziecie «Rajonnyja budni» hałoŭny doktar rajbalnicy Viktar Daranievič,
— na siońnia pastupiła ŭžo 203 tysiačy rubloŭ. U pryvatnaści, chaciełasia b padziakavać za padtrymku kiraŭnictva AAT «Pružanski małočny kambinat», jakoje vydzieliła kala 61 tysiačy rubloŭ na nabyćcio kisłarodnaha kancentratara.
My ŭžo zaklučyli dahavor ab jaho pastaŭcy.
Bolš za toje, Pružanski małočny kambinat vykazaŭ namier akazać dapamohu i ŭ zakupcy aparata dla štučnaj vientylacyi lohkich (na siońniašni dzień u balnicy jość 11 ŠVŁ).
My dadatkova zakupili 8 kisłarodnych bałonaŭ, majem 2 kisłarodnyja kancentratary,
a litaralna na dniach pryviazuć jašče adzin kancentratar, kuplu jakoha spansiravaŭ adzin z ružanskich pradprymalnikaŭ, za što my jamu taksama vielmi ŭdziačny», — kaža doktar.
«Siońnia my majem dastatkovuju kolkaść kaściumaŭ bijałahičnaj abarony, pa linii našaha viedamstva rehularna pastupajuć maski i inšyja śpiecyjalnyja miedycynskija srodki abarony», — kaža doktar.
Kamientary