Pradstaŭnik SAAZ zaklikaŭ Biełaruś razhledzieć bolš žorstkija miery dystancyjavańnia — až da karancinu
Pradstaŭnik SAAZ u Biełarusi Batyr Bierdykłyčaŭ zajaviŭ u parłamiencie, što ŭ Biełarusi važna pryniać bolš žorstkija miery sacyjalnaha dystancyjavańnia ŭ suviazi z pandemijaj karanavirusa, piša Tut.by.
Batyr Bierdykłyčaŭ adznačyŭ, što z 30-31 sakavika ŭ Biełarusi idzie rezki rost zachvorvańnia.
— Kali hladzieć na vopyt krain, jakija prajšli hety šlach, z 4-6-ha tydnia idzie ekspanientny rost vypadkaŭ. A na 8-m tydni rost padychodzić da piku. Dla Biełarusi heta nastupny etap. Heta etap nie zavoznych vypadkaŭ, a pieradačy siarod miascovaha nasielnictva. Čakajem dalejšy rost, — skazaŭ jon. — Zhodny z Karanikam što pik budzie ŭ kancy krasavika — mai.
Pavodle jaho słoŭ, važna pryniać dalejšyja miery sacyjalnaha dystancyjavańnia — ad rassadžvańnia, jak u Avalnaj zale, — da bolš žorstkich: pieravod na dystancyjnaje navučańnie, zabarona masavych mierapryjemstvaŭ, uviadzieńnie karancinu. Sam pa sabie karancin nie spyniaje pieradaču virusa. Meta — zapavolić rost kolkaści inficyravanych.
Batyr Bierdykłyčaŭ zaklikaŭ razhledzieć bolš žorstkija miery dystancyjavańnia zaraz, da nastupleńnia pika.
Jon taksama adznačyŭ palapšeńnie situacyi ź infarmavańniem nasielnictva. Inšaje pytańnie — infarmavańnie ab pradprymajemych ci nie pradprymajemych mierach, pra toj ža karancin i samaizalacyju. Pradstaŭnik SAAZ zaklikaŭ rastłumačvać, vynosić hetaje pytańnie na bolš vysoki ŭzrovień, kab i tam tłumačyli, što adbyvajecca ŭ krainie.
Kamientary