Minpryrody: Płastykavyja kvietki na mohiłkach — sapraŭdnaja ekałahičnaja biada!
Minpryrody razam z ekałahičnymi hramadskimi abjadnańniami zaklikaje hramadzian Biełarusi nie nieści na mohiłki płastykavyja kvietki. Alternatyvaj im pavinny stać žyvyja kvietki ŭ vazonach, mnahaletnija raśliny, vysadžanyja ŭ hrunt, karlikavyja chmyźniaki, hazonnaja trava, śviečki, stužki z tkaniny.
U Biełarusi Radaŭnicu — čas paminańnia pamierłych — adznačajuć 28 krasavika. U hety dzień biełarusy addajuć daninu pamierłym blizkim, mienavita dla naviedvańnia i pryviadzieńnia ŭ paradak miescaŭ pachavańniaŭ, na dziaržaŭnym uzroŭni zrobleny vychadny.
Nabyvajučy štučnyja kvietki, my, pa sutnaści, kuplajem śmiećcie, jakoje paśla škodzić pryrodzie, vydzialajučy taksičnyja rečyvy, zabrudžvajučy hlebu, pavietra i hruntovyja vody, adznačaje ministerstva. Kali štučnyja kvietki robiacca nieprydatnymi, ludzi ich vykidvajuć. Štohod paśla śviataŭ na palihony ćviordych kamunalnych adchodaŭ vyvoziać kala 1 miljona płastykavych kvietak. Termin ich raskładańnia — ad sta da piacisot hadoŭ. Druhasnaj apracoŭcy jany nie padlahajuć.
Pry ich spalvańni ŭ navakolnaje asiarodździe vyłučajucca ciažkija mietały i dyjaksiny, jakija niehatyŭna ŭpłyvajuć na zdaroŭje ludziej, a asabliva — na dziaciej.
Ciapier čytajuć
Viktar Łukašenka zaśviaciŭ na pasiadžeńni NAK svoj hadzińnik — ciažki luks27
Viktar Łukašenka zaśviaciŭ na pasiadžeńni NAK svoj hadzińnik — ciažki luks
U Čechii palaki źbili palaka, pryniaŭšy jaho za ŭkrainca z-za šapki ŭ kolerach Vierchniaj Silezii. Chłopiec jechaŭ u viełaprabieh dziela chvoraj na rak ciažarnaj partniorki1919
U Čechii palaki źbili palaka, pryniaŭšy jaho za ŭkrainca z-za šapki ŭ kolerach Vierchniaj Silezii. Chłopiec jechaŭ u viełaprabieh dziela chvoraj na rak ciažarnaj partniorki19
«Čas, jaki patrabuje nadzvyčajnaj aściarožnaści». Polski vunderkind, jaki staŭ hałoŭnym navukoŭcam OpenAI, patłumačyŭ, čamu mienavita zaraz ŠI moža vyrvacca z-pad kantrolu88
Kamientary