Alaksandr Łukašenka nie płanuje pieravodzić narady ŭ anłajn-farmat, jak i nadziavać na afłajn-sustrečy masku. Pra heta Tut.by raspaviała pres-sakratarka Łukašenki Natalla Ejsmant.
Napiaredadni ŭ Łukašenki prajšła narada pa pytańniach hatoŭnaści sistemy achovy zdaroŭja procidziejničać raspaŭsiudžvańniu karanavirusa. Usie prysutnyja čynoŭniki byli biez masak i siadzieli davoli blizka, nie vykonvajučy rekamiendavanuju lekarami dystancyju (minimum — 1 mietr). I heta pry tym, što ŭdzielnikami narady byli sami lekary.
Natalla Ejsmant tłumačyć, što na naradzie prysutničali tolki zdarovyja ludzi, jakim, pavodle rekamiendacyj SAAZ, masku nasić nie abaviazkova. A nadziavać na čynoŭnikaŭ maski siłaj nichto nie źbirajecca.
— Pa-pieršaje, pačytajcie rekamiendacyju SAAZ. Tam hučyć prykładna tak: zdarovym ludziam maski nie patrabujucca i nie harantujuć abarony. Što ž tyčycca farmatu pracy — u prezidenta jon nie mianiaŭsia, jak pracavali, tak i pracujem — u zvyčajnym režymie. Pry hetym kali b niechta z udzielnikaŭ na ŭčorašniuju naradu pryjšoŭ u mascy, paviercie, jaje b z čałavieka nie zdymali. Ale i nadziavać siłaj — nie majuć namieru. Nakolki ja viedaju, nie nadziavaŭ i nie źbirajecca nadziavać masku i prezident. U cełym ža viartajučysia da rekamiendacyj SAAZ ab tym, što zdarovym ludziam maski možna nie nasić, možna zrabić vysnovu, što ŭčora na naradzie ŭsie ludzi byli zdarovyja, — raspaviała Natalla Ejsmant.
Ciapier čytajuć
Anžalika Mielnikava paśla źniknieńnia nabyła dźvie kvatery ŭ Minsku71
Kamientary