Kali majo stanovišča ŭ «Barsiełonie» nie źmienicca, paśla zaviaršeńnia siezona budu razhladać inšyja varyjanty, kaža fuibalist.
«Kali majo stanovišča ŭ «Barsiełonie» nie źmienicca, paśla zaviaršeńnia siezonu budu razhladać inšyja varyjanty»,— paviedamiŭ BiełaPAN paŭabaronca biełaruskaj futbolnaj zbornaj Alaksandr Hleb.
27-hadovy hulec minułym letam pierajšoŭ u ispanskuju «Barsiełonu» z anhlijskaha «Arsienału». Praktyčna ŭvieś čas jon pravodzić na łaŭcy zapasnych, časam vychodzić na zamienu za niekalki chvilin da zaviaršeńnia matču.
«Samaje hałoŭnaje — heta davier treniera, — zaznačyŭ A.Hleb. — Jon sam mnie telefanavaŭ, prapanoŭvaŭ pierajści ŭ «Barsiełonu», a potym takoje… Nie razumieju. Nie adčuvaju siabie słabiejšym za astatnich. Čamu Hvardjoła mnie nie daviaraje, spytajcie ŭ jaho. U majoj karjery takoje ŭpieršyniu».
Pavodle słoŭ hulca, da kanca siezona jon nie budzie razhladać nijakich prapanoŭ.
«Kali ŭsio zastaniecca pa-raniejšamu, budziem razmaŭlać z trenieram. Karjera futbalista karotkaja, i nie chočacca pravodzić jaje na łaŭcy zapasnych.Dziakuj blizkim i siabram, jakija mianie padtrymlivajuć», — skazaŭ A.Hleb.
Futbalist zaznačyŭ, što ŭ bytavym płanie nie adčuvaje nijakich prablem, «adnak chočacca hulać, a nie tolki atrymlivać zarpłatu». «Niedachop hulniavoj praktyki chvaluje i mianie, i hałoŭnaha treniera zbornaj Biernda Štanhie», — skazaŭ A.Hleb.
24 sakavika lider zbornaj razam ź inšymi hulcami nacyjanalnaj kamandy sustreŭsia z pacyjentami Respublikanskaha reabilitacyjnaha centru dla dziaciej-invalidaŭ.
U futbalista zapytali, nie ci škaduje jon ab pierachodzie z «Arsienału» ŭ «Barsiełonu». «Sam dumaju, navošta pierajšoŭ. Ciapier idzie ciažki etap adaptacyi. Budu prykładać usie namahańni, kab pačać hulać u asnoŭnym składzie», — zajaviŭ futbalist.
Ciapier čytajuć
Historyja 12‑hadovaj Viery ŭ minskaj infiekcyjnaj balnicy nastolki ŭraziła biełarusaŭ, što ciapier čarha z achvotnych dapamahčy2
Kamientary