Žanočy čempijanat śvietu pa chakiei ŭ Kanadzie admienieny z-za karanavirusa
Rašeńnie nakont mužčynskaha čempijanatu jašče nie pryniata.
Čempijanat śvietu pa chakiei siarod žančyn 2020 hoda admienieny ŭ suviazi z raspaŭsiudžvańniem karanavirusnaj infiekcyi. Pra heta TASS paviedamiŭ prezident Mižnarodnaj fiederacyi chakieja (IIHF) Rene Faziel.
Turnir pavinien byŭ prajści z 31 sakavika pa 10 krasavika ŭ kanadskich haradach Halifaks i Truro.
«U nas byli abmierkavańni ź Fiederacyjaj chakieja Kanady. Tam pavinna była vystupać zbornaja Japonii, i my vyrašyli, što zanadta ryzykoŭna pravodzić hety turnir, tamu pryniali rašeńnie ab jaho admienie. My abmiarkoŭvali, ci možam my pravieści jaho ŭ nastupnym hodzie, ale pakul kankretnych rašeńniaŭ niama», — skazaŭ Faziel. Čempijanat śvietu nastupnaha hoda pavinien prajści ŭ rasijskaj Ufie.
Faziel zajaviŭ, što IIHF admianiła ŭsie žanočyja mižnarodnyja spabornictvy ŭ hetym hodzie, uklučajučy čempijanat śvietu druhoha pa sile dyvizijona, jaki pavinien byŭ prajści z 12 pa 18 krasavika ŭ Francyi.
Kiraŭnik IIHF adznačyŭ, što adnosna mužčynskaha čempijanatu śvietu, jaki maje adbycca ŭ mai ŭ Šviejcaryi, pakul nie pryniata rašeńnia. «Niama novaj infarmacyi na dadzieny momant, my znachodzimsia na suviazi z uradam Šviejcaryi. My spadziajemsia, što ŭsio projdzie, jak i było zapłanavana», — adznačyŭ Faziel.
Pieršy vypadak zaražeńnia karanavirusam byŭ vyjaŭleny ŭ Kanadzie 26 studzienia. Na dadzieny momant na terytoryi krainy zafiksavana 54 vypadki zaražeńnia.
Kamientary