Opiernaja śpiavačka, narodnaja artystka Biełarusi Iryna Šykunova pamierła na 80 hodzie žyćcia, piša Tut.by.
Iryna Šykunova naradziłasia ŭ 1940 hodzie ŭ sučasnym Lubanskim rajonie. U 1964 hodzie skončyła Biełaruskuju kansiervatoryju i była raźmierkavana ŭ Teatr opiery i baleta Biełarusi, dzie na praciahu čverci stahodździa była viadučaj salistkaj. Stažyravałasia ŭ miłanskim teatry Ła Skała (1970-1971).
Šykunova vykanała bolš za 30 bujnych partyj. U nacyjanalnym repiertuary — heta Marfačka («Alesia» Jaŭhiena Cikockaha), Aksana, Śviatłana («Kali apadaje liście», «Kalučaja ruža» Juryja Siemianiaki), Iryna («Sivaja lehienda» Dźmitryja Smolskaha), a taksama Halka (u adnajmiennaj opiery uradženca Biełarusi Stanisłava Maniuški).
U suśvietnym repiertuary — Taćciana, Iałanta, Liza («Jaŭhienij Aniehin», «Ijałanta», «Pikavaja dama» Piatra Čajkoŭskaha), Vijaleta, Dezdemona, Jelizavieta («Travijata», «Ateła», «Don Karłas» Džuzepe Vierdzi), Marfa, Kupava («Carskaja niaviesta», «Śniahurka» Mikałaja Rymskaha-Korsakava), Jarasłaŭna («Kniaź Ihar» Alaksandra Baradzina), Marharyta («Faŭst» Šarla Huno), Elza («Łoenhrin» Rycharda Vahniera), Donna Hanna, Hrafinia («Don Žuan», «Viasielle Fiharo» Volfhanha Amadeja Mocarta) i inšyja.
Z 1989 hoda vykładała na kafiedry śpievaŭ Biełaruskaj akademii muzyki. Siarod jaje vučanic salistki Nacyjanalnaha teatra opiery i baleta Taćciana Piatrova, Alena Sało i Ina Rusinoŭskaja, salistka Biełaruskaha muzyčnaha teatra Śviatłana Macyjeŭskaja.
Ciapier čytajuć
«Staŭleńnie jak da skaciny». Prarasijski błohier raskazaŭ pra 25 sutak ŭ IČU1
«Staŭleńnie jak da skaciny». Prarasijski błohier raskazaŭ pra 25 sutak ŭ IČU
«Moža, bajaŭsia zastavacca ŭ šlubie sa mnoj, bo pracuje na BT». Nastaŭnica, jakaja źjechała praz danosy Bondaravaj, raspaviała pra razvod i žyćcio ŭ emihracyi1515
Kamientary