U zaharadnaj rezidencyi prezidenta Rasii ŭ Zavidava (Ćviarskaja vobłaść) adbyłasia 7-hadzinnaja sustreča Dźmitryja Miadźviedzieva i Alaksandra Łukašenki. Na 20 sakavika praviedzienaja sumiesnaja kalehija ministerstvaŭ finansaŭ Rasii i Biełarusi.
U zaharadnaj rezidencyi prezidenta Rasii ŭ Zavidava (Ćviarskaja vobłaść) adbyłasia 7-hadzinnaja sustreča Dźmitryja Miadźviedzieva i Alaksandra Łukašenki. Na 20 sakavika praviedzienaja sumiesnaja kalehija ministerstvaŭ finansaŭ Rasii i Biełarusi.Heta druhaja sustreča lideraŭ sioleta. Pieršaja adbyłasia ŭ pačatku lutaha ŭ Maskvie padčas pasiadžeńnia Vyšejšaje dziaržrady sajuznaj dziaržavy.
Źviestki z Zavidava prychodziać minimalnyja.Navat tyja paviedamleńni, što raspaŭsiudzili rasijskija infarmacyjnyja ahienctvy, abmiažoŭvajucca ahulnymi słovami. Pavodle pres‑słužby kiraŭnika Rasii, na sustrečy abmiarkoŭvalisia pytańni biełaruska‑rasijskaha intehracyjnaha ŭzajemadačynieńnia. Najpierš, realizacyja prajektaŭ, jakija byli pryniatyja padčas minułaha pasiadžeńnia dziaržrady.
Jak pieradaje Pieršy rasijski kanał, siarod hałoŭnych pytańniaŭ sustrečy było supracoŭnictva ŭ vajskova‑techničnaj i enierhietyčnaj śfierach, a «asablivaja ŭvaha była nadadzienaja kredytna‑finansavamu ŭzajemadziejańniu». Ci nie za čarhovym rasijskim kredytam nakiravaŭsia Łukašenka ŭ Zavidava?
Jak potym paviedamiła ahienctvu «Interfaks» pres‑sakratar prezidenta RF Natalla Cimakova, była dasiahnutaja damoŭlenaść, što 20 sakavika - heta značyć prosta zaŭtra - budzie praviedzienaja sumiesnaja kalehija ministerstvaŭ finansaŭ Rasii i Biełarusi «dla dalejšaha abmierkavańnia pytańniaŭ pradstaŭleńnia kredytaŭ i vykarystańnia inšych formaŭ ekanamičnaha ŭzajemadziejańnia».
Rasijski prezident zajaviŭ, što na minułaj sustrečy baki pryjšli da cełaha šerahu vielmi važnych damovaŭ, jakija majuć ekanamičnaje, humanitarnaje i rehijanalnaje vymiareńnie. Ciapier sprava za vykanańniem, skazaŭ Miadźviedzieŭ.
Na heta Łukašenka adkazaŭ, što ekanomiki Biełarusi i Rasii vielmi źviazanyja i nichto ich nie źbirajecca razryvać. «Bo kaapieracyja — heta dabro va ŭsim śviecie, i my damovilisia, što budziem padtrymlivać padobnuju kaapieracyju».
Pavodle infarmacyi BIEŁTA, sustreča kiraŭnikoŭ doŭžyłasia amal siem hadzin. Siarod inšaha było abmierkavanaje pytańnie adnosinaŭ pamiž aficyjnym Minskam i Jeŭrasajuzam. Potym išoŭ radok: «Pa ŭsich pytańniach dasiahnutaje ŭzajemarazumieńnie bakoŭ».
Potym lidery dziaržaŭ pajšli hulać pa rezidencyi, pili harbatu na dvary i hrelisia la vohnišča. Pry hetym Łukašenka byŭ apranuty ŭ vajskovy bušłat.Razam z Łukašenkam byŭ u Zavidava i mały Mikołka, ale na hety raz u abjektyvy fotareparcioraŭ jon nie trapiŭ.
Ciapier čytajuć
Deputatka, jakaja rychtuje pryhažuń dla Łukašenki, vyjšła zamuž21
Kamientary