U piatnicu, 6 sakavika, paśla doŭhaj paŭzy źbirajucca adnavić rabotu aŭtavakzała «Uschodni». Adkryćcio płanujecca na druhuju pałovu piatnicy. Pra heta «Minsk-navinam» paviedamiŭ namieśnik hiendyrektara Minsktransa Viktar Tozik.
Budynak stajaŭ biez spravy čatyry hady.
«Praktyčna ŭsie asnoŭnyja raboty vykanany. Jany zrobleny pa minimumie: tam nie patrabavaŭsia maštabny ramont, bo budynak byŭ zakansiervavany i dzie-nidzie patrabavalisia tolki kaśmietyčnyja raboty, — patłumačyŭ śpiecyjalist. — Treba ŭličvać taksama, što pakul vakzał budzie zadziejničany tolki na 30%: heta pieršy pavierch administracyjnaha budynka. Nabirajecca minimum słužbovaha piersanału — na pačatkovym etapie nie bolš za 8 čałaviek.
Zadziejničajuć usiaho try elektronnyja tabło, bo pakul siudy buduć prybyvać tolki mižharodnija i mižnarodnyja aŭtobusy «Minsktransa» mahiloŭskaha napramku i haradskija, jakija chodziać u Sosny, Stajki, Sokał.
Ciapier čytajuć
Chto pradaŭ kvateru ŭ «Majaku Minska» źnikłaj Mielnikavaj? Takoha čałavieka nie isnuje28
Kamientary