Polšča płanuje pačać reviersnyja pastaŭki nafty va ŭschodnim napramku
Apieratar polskaha ŭčastka naftapravoda «Družba» kampanija PERN paviedamiła ab płanach transparciroŭki syroj nafty va ŭschodnim kirunku. Takuju infarmacyju kampanija raźmiaściła na svaim sajcie, piša BiełTA.
«PERN vyrašyła, što ŭschodniaja častka trubapravoda «Družba» pavinna mieć mahčymaść pierapampoŭvać syruju naftu, h. zn. pierapampoŭvać syravinu z Płocka ŭ Adamava [na biełaruskaj miažy]. Ciapier transparciroŭka idzie tolki ŭ zvarotnym kirunku. Meta ŭ tym, kab pavysić hibkaść łahistyčnaj sietki kampanii i pavysić enierhietyčnuju biaśpieku Polščy. Kampanija ŭžo pačała šukać padradčyka dla hetaha prajekta», — havorycca ŭ paviedamleńni.
U kampanii adznačyli, što reviers na ŭschodnim učastku hazapravoda «Družba» daść mahčymaść hnutkaj i dvuchbakovaj pierapampoŭki nafty pamiž bazami, što dazvolić absłuhoŭvać klijentaŭ u poŭnym abjomie i biez zbojaŭ.
Raniej pieršy namieśnik hienieralnaha dyrektara — hałoŭny inžynier AAT «Homieltransnafta Družba» Andrej Viaryha paviedamiŭ, što dastaŭka nafty ŭ Biełaruś z Polščy ŭ režymie reviersu technična mahčymaja. Faktyčna hety mietad byŭ realizavany, kali paśla krasavickaha incydentu u 2019 hodzie vyciaśniali zabrudžanuju naftu z polskaha Hdańska ŭ Rasiju.
Ciapier čytajuć
«Ja jedu natchnicca ŭkraincami». Śviatłana Cichanoŭskaja pačała aficyjny vizit va Ukrainu20
Kamientary