Adna z pretendentak na ŭdzieł u prajmieryz ad apazicyjnych partyj, byłaja deputatka Pałaty pradstaŭnikoŭ Hanna Kanapackaja źmiaściła ŭ sacyjalnych sietkach hnieŭnuju repliku nakont pracedury pravierki podpisaŭ.
Sprava ŭ tym, što Hanna Kanapackaja, jak i Volha Kavalkova, byli vyłučanyja na prajmieryz nie ad arhanizacyj, a samastojna. Tamu im daviałosia pradstavić 200 podpisaŭ u padtrymku.
Abureńnie Kanapackaj vyklikaŭ lidar partyi AHP Mikałaj Kazłoŭ. U kancy vieraśnia letaś AHP admoviłasia vyłučać Kanapackuju ŭ jakaści kandydata na parłamienckija vybary, sama deputatka paśla hetaha prypyniła siabroŭstva ŭ partyi.
Kanapackaja ličyć, što Kazłoŭ «prabiŭ dno», kali zajaviŭ, što budzie piersanalna praviarać podpisy tych, chto padtrymaŭ Kanapackuju. «Jak praviarać budziecie, z čym paraŭnoŭvać budziecie dadzienyja, i dzie? Da piersanalnaha «kuratara» płanujecie źviartacca za zakrytaj infarmacyjaj ab fizičnych asobach? A času navošta dla hetaha vam stolki, cełyja dva tydni? Pavolna pracujuć u «kuryrujemym viedamstvie», abo dadzienyja na kartačnaj formie ŭ ich tam jašče, pa-staromu?» — iranična piša Kanapackaja.
«Ja i dva maich pamočniki za try dni z kožnym z hetych 225 čałaviek, što pastavili podpis u maju padtrymku, pahutaryli asabista. Heta vydatnyja, sumlennyja ludzi, sapraŭdnyja patryjoty Biełarusi. U najbližejšym atačeńni vas, Kazłoŭ, takich amal niama», — praciahvaje spadarynia Hanna.
Kanapackaja aburajecca, što kiraŭnikom kantrolnaj hrupy prajmieryz źjaŭlajecca pradstaŭnik AHP, a mienavita Piatro Hołasaŭ. «Heta ŭžo zusim jak u Jarmošynaj atrymlivajecca».
Sam kiraŭnik AHP Mikałaj Kazłoŭ ciapier znachodzicca za miežami Biełarusi, tamu jon časova niedasiažny dla kamientaroŭ. Kaardynatar štaba pa abrańni adzinaha, kiraŭnik BSDP Ihar Barysaŭ paćvierdziŭ «NN», što kiraŭnikom kantrolnaj hrupy sapraŭdy źjaŭlajecca pradstaŭnik AHP Piatro Hołasaŭ. Tym nie mienš u pracy kamisii buduć prymać udzieł ludzi ź inšych arhanizacyj.
Jak budzie adbyvacca pravierka? «Buduć uziatyja 100 podpisaŭ, jakija padzielacca miž pradstaŭnikami kantrolnaj hrupy. Z kožnym čałaviekam budzie sproba źviazacca pa troch roznych kanałach suviazi, kab paćvierdzić, ci sapraŭdy heta jahony podpis u padtrymku kandydata. Kali brak budzie mienšy za 10%, to kandydata zarehistrujuć dla ŭdziełu ŭ prajmieryz, kali bolšy — to nie.
My budziem praviarać takim čynam nie tolki podpisy Hanny Kanapackaj, ale i Volhi Kavalkovaj. Chutčej za ŭsio, u pradstaŭnikoŭ kandydataŭ budzie mahčymaść prysutničać padčas pracy kantrolnaj hrupy», — adznačyŭ Ihar Barysaŭ.
Ciapier čytajuć
Minski haradski sud nie vytrymlivaje nahruzki — nie paśpiavajuć sudzić palitviaźniaŭ4
Kamientary