Anłajn-hipiermarkiet «Je-dastaŭka» skłaŭ rejtynh praduktaŭ, popyt na jakija raście pierad Dniom usich zakachanych. Minčuki sustrakajuć 14 lutaha z tanizavalnymi napojami, šakaładam i tartami, a taksama zamaŭlajuć hatovyja stravy z dastaŭkaj.
Z hoda ŭ hod śpis amal nie mianiajecca.
Da Dnia zakachanych u Minsku štoraz aktyŭna zapasajucca kavaj i harbataj. Z pačatku tydnia ŭzraśli prodažy šakaładu, naboraŭ cukierak i tartoŭ.
Pa danych «Je-dastaŭki», u hety dzień raście popyt na hatovyja stravy: najbolšym pośpiecham u horadzie karystajucca sušy, roły i sušy-tarty. Pieradzamovy na japonskija stravy stali pastupać jašče z 10 lutaha.
U śpis papularnych zamovaŭ taksama ŭvajšli padarunkavyja nabory kaśmietyki i parfumy. Chacia cikavaść da ich krychu nižejšaja, čym da łasunkaŭ.
Daśledavańnie da Dnia zakachanych pravioŭ anłajn-hipiermarkiet «Je-dastaŭka» na asnovie analizu pakupak u pieradśviatočny tydzień. Dla bolšaj dakładnaści vykarystanyja danyja ab zamovach za hety i minuły hod. U śpis trapili tolki tyja tavary, popyt na jakija rezka raście napiaredadni i padčas 14 lutaha.
Ciapier čytajuć
Łukašenka zajaviŭ pra hatoŭnaść pryjechać u Kijeŭ48
Kamientary