Rost cen na bienzin i reformy — što aznačajuć vyniki pieramoŭ u Sočy
Piša Andrej Dyńko.
Pierachod na zakup nafty pa rynkavych cenach — ciapier heta kančatkova — aznačaje, što ŭ krainie vyrastuć ceny na bienzin i dyzpaliva. Heta taksama aznačaje źnižeńnie dachodaŭ biudžetu, skaračeńnie inviestycyjnych i sacyjalnych prahram.
Nafta pa źnižanych cenach składała lvinuju dolu ŭ ahulnym abjomie rasijskich subsidyj.
Na adzin hod — pahatoŭ hod vybaraŭ — heta možna budzie kampiensavać z zołatavalutnych reziervaŭ, jakija Nacbank nazapasiŭ rekordnyja, ale na niekalki hadoŭ zapasaŭ užo nie chopić. Daviadziecca ci rezka ŭciskacca, ci brać vialikija pazyki ŭ MVF — jany pojduć tolki pry ŭmovie reformaŭ.
Haz zastajecca pa źnižanaj canie, ale, kali na nafcie Biełaruś u apošnija hady atrymlivała štohod ad dvuch da troch miljardaŭ dalaraŭ maržy (dakładnuju ličbu padličyć ciažka), to na hazie heta ŭsiaho niekalki socień miljonaŭ dalaraŭ (dakładnuju ličbu, iznoŭ ža, padličyć ciažka, bo i ceny na tranzit hazu, i ceny pastavak hazu mocna varjirujucca ŭ zaležnaści ad kantraktaŭ u roznych krainach).
U cełym pakul usio heta vyhladaje jak «płaŭny pierachod». Kali b Rasija staviła na mecie Biełaruś abvalić, jana załamiła b i rynkavuju canu hazu, i zakruciła vientyli z kancami. Zrešty, nafta to i kapaje ŭ minimalnych abjomach pakul, situacyja prajaśnicca tolki ŭ nastupnyja miesiacy.
U lubym razie, i źnižanaja cana na haz, i najaŭnaść paduški valutnych reziervaŭ stvarajuć dla Biełarusi kurortnyja ŭmovy dla patencyjnych reformaŭ — jak ekanomiki, tak i adnosin u hramadstvie, pakul madel, jakaja praisnavała 25 hadoŭ, budzie rassypacca.
-
Ty ruskamoŭny čałaviek śvietu ci ty čałaviek biełaruski? Kiejs Nasty Rahatko
-
«Vałasy dybaram». U jutubie źjavilisia videaroliki pa historyi Biełarusi, ad pačatku da kanca napisanyja štučnym intelektam
-
Nasta Rahatko: Usich, chto suprać udziełu biełarusaŭ u iventach rasijan, ja čakaju ŭbačyć na kirmašach polskich, brytanskich, ispanskich
Ciapier čytajuć
«A 4‑j hadzinie nočy my zrazumieli, što sierviery prosta vyčyščanyja». Jarasłaŭ Ivaniuk raskazaŭ padrabiaznaści pra ataku na anłajn-biblijateku «Kamunikat»1111
Kamientary