Łukašenka daručyŭ u najbližejšyja dni pačać alternatyŭnyja pastaŭki nafty
Alaksandr Łukašenka 31 śniežnia pravioŭ naradu z kiraŭnictvam naftachimičnaha kompleksu na temu pastavak i pierapracoŭki nafty. Pra heta BIEŁTA paviedamili ŭ pres-słužbie biełaruskaha kiraŭnika.
Kiraŭnik dziaržavy adznačyŭ, što zaprasiŭ udzielnikaŭ narady, kab kankretna abmierkavać adpaviednyja pytańni ŭ raźvićcio praviedzienych 30 i 31 śniežnia telefonnych razmoŭ z Uładzimiram Pucinym.
Pa vynikach narady staršynia kancerna «Biełnaftachim» Andrej Rybakoŭ paviedamiŭ, što ŭ praciah telefonnych razmoŭ Alaksandr Łukašenka daručyŭ u najbližejšyja hadziny zaviaršyć pieramovy haspadarčych subjektaŭ Biełarusi i Rasii i zaklučyć kantrakty na pastaŭku nafty ŭ krainu z metaj zabieśpiačeńnia bieśpierabojnaj raboty dvuch naftapierapracoŭčych zavodaŭ.
Taksama kiraŭnikom dziaržavy dadziena daručeńnie zabiaśpiečyć ŭžo ŭ najbližejšyja dni pastaŭku nafty z alternatyŭnych krynic.
Pierš za ŭsio razmova idzie ab pastaŭkach čyhunačnym transpartam z partoŭ na Bałtycy, a taksama ab zadziejničańni dla alternatyŭnych pastavak naftapravoda «Družba».
Ciapier čytajuć
«Kali mnie było dva hady, svajaki pavieźli mianie ŭ Biełaruś». Praz sacsietki dziaŭčyna adšukała baćku-rasijanina — ale skončyłasia historyja sumna2323
Kamientary