Financial Times nazvała Saćja Nadełu Čałaviekam hoda. Chto heta taki
Hiendyrektar Microsoft Saćja Nadeła staŭ Čałaviekam hoda pa viersii haziety Financial Times. Jak ličyć FT, jon zdoleŭ zaniać «asablivaje miesca siarod mahnataŭ u śfiery technałohij», piša RBK
Adnoj z prykmiet pośpiechu Nadeły FT nazvała toje, što ŭ 2019 hodzie jaho kampanija redka fihuravała ŭ zahałoŭkach presy. Karparacyja zasiarodžanaja na prodažy technałohij pradpryjemstvam, a nie spažyŭcam i ŭ asnoŭnym pracuje niepublična, «za kulisami».
Jak adznačaje hazieta, za čas amal šaścihadovaha znachodžańnia Nadeły na hetaj pasadzie sukupny prybytak akcyjanieraŭ karparacyi pierasiahnuŭ $1 trłn.
Nadele ŭdałosia «viarnuć Microsoft na viaršyniu kampanij, jakija pracujuć u śfiery technałohij», havorycca ŭ artykule. Vydańnie, zrešty, adznačaje, što aceńvać upłyŭ novaj Microsoft, jakuju buduje Nadeła, pakul rana, adnak užo jasna, što kampanija budzie akazvać značny ŭpłyŭ, drenny ci dobry, na budučyniu hramadstva i biznesu.
Uradženiec paŭdniovaj Indyi Saćja Nadeła pačaŭ pracavać u Microsoft u 1992 hodzie. U jaho dźvie stupieni mahistra — kampjutarnych navuk i dziełavoha administravańnia. U karparacyi jon prajšoŭ šlach ad namieśnika kiraŭnika padraździaleńnia da hienieralnaha dyrektara.
Kamientary