Uviečary 14 śniežnia chakiejny śviet Biełarusi ŭraziŭsia navinoj, što na 51-m hodzie žyćcia nie stała słavutaha chakieista Uładzimira Cypłakova. U infarmacyi nie paviedamlałasia, što mienavita stała pryčynaj śmierci.
Nie tak daŭno pamior jašče adzin były chakieist zbornaj Alaksandr Šumidub. U tym vypadku adrazu prajšła infarmacyja, što pryčynaj śmierci mužčyny stała serca.
U publikacyi na sajcie «Presboła» adznačajecca, što śmierć Cypłakova nastupiła «pry trahičnych i da kanca nie vyśvietlenych abstavinach».
Śledčy kamitet paviedamiŭ, što pačaŭ ekśpiertyzu śmierci Cypłakova. Pra jaje vyniki pakul ničoha nie paviedamlajecca. Nie pry kožnaj śmierci za spravu biarecca SK.
Dźvie nie źviazanyja miž saboj krynicy — ź miedycynskaj śfiery i z chakiejnaha asiarodku — paviedamili «Našaj Nivie», što Uładzimir Cypłakoŭ skončyŭ žyćcio samahubstvam. Pryčyny takoha ŭčynku nie nazyvajucca. Adznačajecca, što apošnija dva hady jon nie moh znajści pracu.
Cypłakoŭ — pieršy biełarus, jaki stała zahulaŭ u NCHŁ, vystupaŭ za «Łos-Andželes Kinhz» i «Bafała Sejbarz». Trojčy pryznavaŭsia najlepšym chakieistam Biełarusi. Paśla karjery sprabavaŭ siabie ŭ jakaści treniera, ale nie nadta siabie zarekamiendavaŭ na hetaj nivie.
Pachavańnie Uładzimira Cypłakova adbudziecca 17 śniežnia. Raźvitacca ź im možna budzie ad 10 da 13 hadziny ŭ ladovym pałacy ŭ parku Horkaha. Pa Cypłakovu zastalisia žonka Alena, a taksama dačka Ivana i syn Łukaš.
Ciapier čytajuć
Kaśpiaroviča pierad hibiellu dapytvali ŭ polskaj kontrraźviedcy — raspytvali pra vizy dla ahientaŭ AAC z pašpartami prykryćcia i pra Bulbu12
Kamientary