Nakład papiarovaj «Sovietskoj Biełoruśsii» źmienšyŭsia jašče na 20%, da 150 tysiač
Za apošni čas nakład hałoŭnaj dziaržaŭnaj haziety «SB. Biełaruś siońnia» istotna źniziŭsia: ciapier u vychodnych dadzienych paznačana ličba 365 tysiač, choć niekalki miesiacaŭ tamu było bolš za 400 tysiač.
Ale hetyja ličby — nie sapraŭdnyja, «Naša Niva» ŭžo pisała pra toje, što «SB» fokuśničaje i dla pryhožaj karcinki paznačaje abjadnanyja nakłady asnoŭnaj haziety i ŭkładyša «Sojuz. Biełaruś — Rośsija».
Realny ž nakład składaŭ kala 190 tysiač (jon trochi vahajecca ŭ roznyja dni tydnia).
Čytajcie: Nakład «Sovietskoj Biełoruśsii» nie 400 tysiač asobnikaŭ, jak paznačana, a ŭdvaja mienšy
Realny nakład pa-raniejšamu možna vyjavić pa ličbach z układyša «Sajuz» (hetyja arkušy ŭkładajucca ŭ kožny numar «SB» za čaćvier). Dyk voś, ciapier dla Biełarusi drukujecca 150 866 «Sajuzaŭ».
Takim čynam, za paŭhoda čaćviarhovy nakład upaŭ na 20%. I heta z ulikam prymusovaj padpiski.
«Naša Niva» spytałasia ŭ hałoŭnaha redaktara «SB» Dźmitryja Žuka, z čym jon źviazvaje padzieńnie nakładaŭ i što redakcyja dumaje z hetym rabić.
«Sapraŭdy, tendencyi da źnižeńnia nakładu jość, ale nie skazać, što adbyvajecca katastrofa — rastuć nakłady inšych haziet, naprykład, «Znamia junosti». Apošniaja za hod vyrasła na 20% — zachaplajusia hałoŭnym redaktaram, ciapier tam nakład 48 162 asobniki. Čytač staŭ źviartać uvahu na štotydniovyja vydańni!
Ahułam ža budziem prykładać namahańni, kab zachavać papiarovy nakład, całkam u internet sychodzić nie źbirajemsia, choć raźvivajem i jaho: Similarweb ni ad kaho statystyki nie chavaje, siaredniaja ličba — kala 200 tysiač unikalnych naviedvańniaŭ štodzień na našym sajcie, letaś było ŭdvaja mienš (pa vynikach listapada 2019 hoda Similarweb naličyŭ dla Sb.by 3,7 miljona vizitaŭ, heta ŭ siarednim pa 123 tysiačy na dzień; Google Analytics pakazvaje 7 miljonaŭ vizitaŭ, heta 230 tysiač na dzień — Red.). A va ŭsich sacyjalnych sietkach my vyraśli ahułam na 70 tysiač padpisantaŭ, siarod lidaraŭ — UKantakcie i Adnakłaśniki», — skazaŭ Dźmitryj Žuk.
Ciapier čytajuć
Stali viadomyja padrabiaznaści pra trahiedyju ŭ Połackim manastyry13
Stali viadomyja padrabiaznaści pra trahiedyju ŭ Połackim manastyry
Pamiatajecie Daniiła z Ofisa Cichanoŭskaj, jakomu za dva dni sabrali hrošy na ankałahičnuju apieracyju? Jamu napisaŭ toj samy adnakłaśnik, jaki jaho ŭdaryŭ — z čaho ŭsio i pačałosia44
Kamientary