Siaroha, J:mors i Lapis Trubiackoj — lidery prodažaŭ «Misteryi huku»

3 sakavika u minskaj kaviarni UPTEKA, z škiletami, šprycami i kłapatlivymi sanitarami, adbyłasia cyrymonija ŭručeńnia ŭznaharodaŭ sietki kramaŭ «Misteryja huku».

Lidery prodažaŭ tradycyjna atrymali dypłomy, apładysmienty i nietradycyjna — terapieŭtyčnuju miksturu.

2008 hod u biełaruskaj muzycy z punktu hledzišča relizaŭ nielha nazvać pravalnym — ajčynnymi artystami było vypuščana bolš za 60 dyskaŭ. Top‑10 pavodle vynikaŭ prodažaŭ 2008 hodu vyhladaje tak:

1. Siaroha «Chronika parniški s homielskich ulic»
2. J:mors «Adlehłaść»
3. Lapis Trubiackoj «Kapitał»
4. Tiani‑Tołkaj «Kak žie dołho ja tiebia iskał»
5. Šarkunova Hanna «Sierdcie krasavicy»
6. Bez Bileta «Nastojaŝaja lubov́»
7. DzieciDziaciej «OtLično»
8. Bjanka «38 zamkov»
9. Niejra Dziubiel «Stasi»
10. Krambambula «The Best Albo Belarusian Disco»

— Sioleta, u adroźnieńnie ad minułaha hodu, vidavočna brakavała top‑relizaŭ, h.zn. dyskaŭ, što pretendujuć na vialikija abjomy prodažaŭ, — adznačyŭ pradziusar uznaharodaŭ Adam Starpovič, — Pra heta vyrazna śviedčyć toj fakt, što Top 10 pa vynikach 2008 napałovu składajecca z dyskaŭ, vypuščanych na hod («J:mors», «Lapis Trubiackoj», «Niejra Dziubiel», «Krambambula»), i navat na dva («Tiani‑Tołkaj») raniej. Chacia, naturalna, jość imaviernaść, što niekatoryja relizy, vypuščanyja ŭ kancy 2008 hodu, jašče pakažuć siabie pa vynikach 2009 hodu. Na hetym fonie adnym z hałoŭnym pretendentaŭ na pieršaje miesca pa vynikach 2008, biezumoŭna, byŭ by albom «Manifiest» hurta «Lapis Trubiackoj», ale vykładvańnie hetaha dysku dla svabodnaha spampoŭvańnia ŭ internecie pazbaviła jaho bolšaj častki pieršapačatkovych prodažaŭ. Chacia nielha nie adznačyć, što navat pry hetym albom led́ nie trapiŭ u Top 10 i zaraz karystajecca stabilnym popytam.

Usie artysty vykazvali svaju padziaku pa-roznamu. Hurt «Dziecidziaciej», naprykład, byŭ ščyra ździŭleny: «Śpiarša nam skazali, što my na 10‑m miescy, potym na 9‑m, vyjaviłasia — na 7‑m! My vielmi ŭzradvalisia!» DzieciDziaciej rahatali, a potym vykanali a kapeła kampazicyju ŭčatyroch z dastatkova źmiastoŭnaj lirykaj: «Eu, eu, eu!».

Vitalik Artyst byŭ padrychtavany i vystupiŭ z sapraŭdy revlucyjnaj pramovaj, jakaja mahła b naležać Uładzimiru Majakoŭskamu: «Darahija suajčyńniki! My chočam vam nahadać: ad uśmieški stanie ŭsim śviatlej, ad uśmieški ŭ niebie zapalicca viasiołka, padzialisia ŭśmieškaju svajoj, i jana da ciabie nieadnojčy jašče vierniecca» — i hetak dalej pa tekście. Z usim aficyjozam, uračysta i z rasstanoŭkaj Vitalik Artyst pramaŭlaŭ svaju vyvieranuju pramovu. Skončyŭ teatralnym: «I my razam ź im (albomam — ad aŭt.) zaźziajem! Budźma zdarovyja!»

Hanna Šarkunova i jaje pradusar Uładzimir Kubyškin u dva hałasy dziakavali adzin adnamu: «My vielmi doŭha išli da hetaj kružełački: try hady, — surjozna skazaŭ Uładzimir. — My vielmi ŭdziačnyja ŭsim, chto kuplaŭ «Sierdcie krasavicy»!

«Tiani‑tołkaj» byli radyja, ale, u adroźnieńnie ad svaich kalehaŭ, zusim nie ździŭlenyja: jany ŭžo treci hod atrymlivajuć uznaharodu «Misteryi huka» u naminacyjach hałoŭnych biestseleraŭ hodu — i, što samaje cikavaje, za adzin i toj samy albom: «Kak žie dołho ja tiebia iskał» 2006‑ha hodu vypusku. «Heta vielmi vyhadna! — śmiajecca Pavieł Tarajmovič. — Spadziajusia, jašče hadoŭ piać praciahniem na hetym materyjale!»

Hurt J:mors pryjšoŭ na ŭznaharodžvańnie razam ź niadaŭnaj svajoj strataj — hitarystam Ramanam Arłovym, ź jakim byŭ zapisany adznačany ŭznaharodaj albom «Adlehłaść». «Nie było b druhoha miesca biez Uładzimira Puhača i… nie było b druhoha miesca, kali b nie Siaroha! — žartavaŭ Raman, — Było b pieršaje! Dziakuj, Siaroha!»

Hvozd viečara — kultavy repier Siaroha — havaryŭ šmat: «Dziakuj vialiki! Krychu dziŭna, tamu što i Lapis Trubiackoj, i J:mops, i inšyja vykanaŭcy zasłuhoŭvajuć pieršych miescaŭ. Mnie vielmi pryjemna, što mianie paličyli biełaruskim artystam, tamu što mnohija pamyłkova ličać mianie muzykam rasijskaha šoŭ‑biznesu. Moža być, nazva albomu paŭpłyvała. Ja tolki što pryjechaŭ u Homiel i pa darozie natyknuŭsia na taki nadpis, jaki mnie vielmi spadabaŭsia: «Kuplajcie biełaruskaje!» Niachaj heta budzie maim łozunham! Ja rady, što zakranajecca bolš šyroki płast, čym šoŭ‑biznes Respubliki Biełaruś».

— Zastajecca tolki adznačyć, što stylistyčna dziasiatka hetaha hodu vyjšła bolš zbałansavanaj i raznastajnaj, ‑‑ reziumavaŭ Adam Starpovič, — Kali ŭ Top‑10 minułaha hodu było 9 rok‑relizaŭ i 1 dysk z vobłaści pop‑muzyki, to ŭ hetym hodzie ŭznaharodami adznačanyja 6 dyskaŭ rok‑muzykaŭ, 3 albomy pop‑muzykaŭ i 1 rep‑reliz.

• 0
• 0
• 0
• 0
• 0
• 0
• 0
• 0