Novym premjeram Finlandyi stała 34-hadovaja žančyna, a krainaj naohuł budzie kiravać žanočaja piaciorka
Rada partyjnych upaŭnavažanych Sacyjał-demakratyčnaj partyi na ekstranym pasiadžeńni vybrała novym premjer-ministram Finlandyi ministra transpartu i suviazi Sanu Maryn, paviedamlaje yle.fi.
Na pasadu premjera pretendavaŭ taksama staršynia parłamienckaj frakcyi SDP Anty Lindtman. Nahadajem, što na minułym tydni premjer Anty Rynie padaŭ u adstaŭku.
Sana Maryn słužyć deputatam parłamienta z 2015 hoda.
34-hadovaja Maryn budzie samym maładym na siońnia premjer-ministram u śviecie, a Finlandyjaj budzie ŭpieršyniu kiravać «žanočaja piaciorka» — lidary ŭsich astatnich kirujučych partyj taksama žančyny.
Samym maładym u historyi premjer-ministram byŭ Marya Fryk, jaki ŭznačaliŭ urad Lichtenštejna ŭ 28 hadoŭ. Siebaśćian Kurc uznačaliŭ urad Aŭstryi ŭ 31 hod, ale ŭ vyniku pieravybaraŭ Kurc, jakomu zaraz 33, nie źjaŭlajecca pakul premjer-ministram. Tamu Sana Maryn na siońnia źjaŭlajecca samym maładym ź dziejnych premjer-ministraŭ u śviecie.
Kamientary