Ministerstva justycyi Hruzii paćvierdziła infarmacyju ab ekstradycyi ŭ Rasieju nižaharodskich deputataŭ, bratoŭ Uładzimira i Alaksandra Hłuškova, abvinavačanych u machlarstvie, piša ria.ru.
Śledčyja orhany ŭ sakaviku 2018 hoda raspačali kryminalnuju spravu ŭ dačynieńni da rodnych bratoŭ Alaksandra i Uładzimira Hłuškova, jakija padazrajucca ŭ machlarstvie ŭ asabliva bujnym pamiery.
Uładzimir Hłuškoŭ źjaŭlaŭsia deputatam ziemskaha schodu Bałachninskoho rajona, jaho brat - Alaksandr Hłuškoŭ - deputatam zakanadaŭčaha schodu Nižaharodskaj vobłaści.
Jany abvinavačvajucca ŭ ździajśnieńni ašukanskich dziejańniaŭ pry rekanstrukcyi aŭtastancyi ŭ horadzie Bałachna i chabarnictvie.
Padčas rasśledavańnia kryminalnaj spravy braty Hłuškovy schavalisia, ich šukali praź Interpał. U žniŭni 2018 hady braty-deputaty byli zatrymanyja ŭ Hruzii.
Pa viersii śledstva, u lipieni 2015 hoda Alaksandr Hłuškoŭ atrymaŭ praz pasiarednika, u jakaści jakoha vystupiŭ Uładzimir Hłuškoŭ, ad dyrektara budaŭničaj firmy chabar u pamiery 6 miljonaŭ rubloŭ za vyrašeńnie pytańnia ab vydzialeńni ziamielnych učastkaŭ dla budaŭnictva dvuch šmatkvaternych damoŭ.
Akramia taho, jak śćviardžaje śledstva, u pieryjad z 2013 pa 2016 hady Uładzimir i Alaksandr Hłuškovy sumiesna ź inšymi asobami pad vyhladam nieabchodnaści rekanstrukcyi kompleksu aŭtastancyi ŭ horadzie Bałachna pa padroblenaj prajektnaj dakumientacyi ŭźviali dvuchpaviarchovy budynak handlovaha centra na ziamielnym učastku, pryznačanym dla ekspłuatacyi aŭtastancyi.
Usie raniejšyja zbudavańni byli źniesienyja, i žychary cełaha rajona zastalisia biez transpartnaha vuzła. A ziamielny ŭčastak fihuranty spravy nabyli va ŭłasnaść pa zanižanaj canie, adznačaje śledstva.
Ciapier čytajuć
«Ja jedu natchnicca ŭkraincami». Śviatłana Cichanoŭskaja pačała aficyjny vizit va Ukrainu16
Kamientary