Dziciačy pryhodnicki komiks na biełaruskaj movie staŭ dastupny ŭ anłajnie
U Biełarusi vypuścili pryhodnicki komiks «Pohlad u minułaje» pra školnicu Alesiu i jaje siabroŭ, jakija znachodziać vyjście ź luboj niezvyčajnaj situacyi z dapamohaj akularaŭ. Heta pačatak sieryi z troch komiksaŭ, stvoranaj u padtrymku dabračynnaha prajekta Biełaruskaha dziciačaha fondu i kampanii A1 «Ja baču!».
Ciapier komiks dastupny i ŭ anłajnie. Źjaviłasia i admysłovaja sieryja ścikieraŭ dla miesiendžaraŭ Viber i Telegram.
Historyja pačynajecca naprykancy letnich vakacyj u nievialikim dačnym domiku. Hałoŭnaja hierainia Alesia znachodzić stary dziońnik svajho dziaduli-vučonaha, paśla čaho žyćcio dziaŭčynki stanovicca padobnym da pryhodnickaha detektyva. Tajamničyja šyfry, staražytnyja kamiani, kaśmičnyja karabli — usio heta znojduć čytačy na staronkach komiksa.
«Prajekt «Ja baču!» imkniecca nie tolko svoječasova praviarać zrok u dziaciej, ale i raspaviadać, jak pravilna pra jaho kłapacicca. Danieści hetu infarmacyju školnikam — adna z našych hałoŭnych zadač. My ŭžo pravodzili majstar-kłas pa pravilnym charčavańni i raźmiaščali sacyjalnuju rekłamu na biłbordach Minska i Bresta. A zaraz vyrašyli vyjści na novy ŭzrovień kamunikacyi ź dziećmi i prapanavać im toje, što zacikavić ich i budzie karysnym. Komiks — heta jaskravaja pryhodnickaja historyja, litaraturnaja hulnia z čytačami, ale ŭ toj ža čas jaho hieroi kažuć pra toje ž, što i našy aftalmołahi: jak važna źbierahčy zdarovy zrok i ŭ čas adreahavać na źmieny ŭ jaho stanie», — adznačyli ŭ kampanii A1.
Aŭtarami historyi «Pohlad u minułaje» vystupili Volha Ałdanava i Mikita Sieńnikaŭ — pradstaŭniki tvorčaha abjadnańnia «Sučasny komiks». Volha Ałdanava taksama stvaryła ilustracyi. «Sučasny komiks» — adzinaje ŭ Biełarusi abjadnańnie, kudy ŭvachodziać usie aŭtary ajčynnych komiksaŭ. Tut nie tolki stvarajuć komiksy, ale i papularyzujuć biełaruskuju movu i komiks-kulturu našaj krainy.
«Dla Biełaruskaha dziciačaha fondu važnym składnikam prajekta zaŭždy była infarmacyjnaja rabota z nastaŭnikami, baćkami, dziećmi — razmova pra važnaść zachavańnia zroku, prytrymlivańnie zrokavamu režymu, prafiłaktyku źnižeńnia zroku ŭ školnikaŭ. Vyjavić zachvorvańnie i lačyć jaho — heta praca daktaroŭ. A baćkaim i nastaŭnikam važna patłumačyć, jak vučyć dziaciej zachoŭvać zrok i pavyšać ich adkaznaść za ŭłasnaje zdaroŭje», — raspavioŭ dyrektar Biełaruskaha dziciačaha fondu Alaksandr Truchan.
Komiks raźličany na dziciačuju aŭdytoryju ad dziesiaci hadoŭ. Zachaplalnyja pryhody hierojaŭ, tematyčnyja zahadki i rebusy, śpiecyjalnyja praktykavańni dla vačej — usio heta dapamoža junym čytačam nie tolki prasiaknucca historyjaj, ale i pravieści čas z karyściu dla zdaroŭja vačej.
Partnioram vypusku sieryi «Pohlad u minułaje» vystupiła kampanija OZ.
Daviedka
«Ja baču!» — maštabny dabračynny prajekt pa dyjahnostycy i rańnim vyjaŭleńni zachvorvańniaŭ orhanaŭ zroku ŭ dziaciej ź viosak Biełarusi. Prajekt realizujecca Biełaruskim dziciačym fondam i kampanijaj A1 pry padtrymcy Ministerstva achovy zdaroŭja Respubliki Biełaruś. Z 2016 pa 2018 hod u miežach prajekta daktary ahladzieli 36 800 školnikaŭ u Mahiloŭskaj, Homielskaj i Bresckaj abłaściach. U 2019-m aftalmołahi pracujuć na Viciebščynie i da kanca hoda płanujuć abśledavać dziaciej va ŭsich sielskich rajonach vobłaści.
Pamiłavany i departavany ŭkrainiec Katovič raskazaŭ, za jakuju abrazu na jaho pakryŭdziŭsia Łukašenka2
Kamientary