Jak paviedamlaje pres-słužba UUS Viciebskaha abłvykankama, 29 kastryčnika ŭ 11 hadzin viečara ŭ Połacki RAUS ad dyśpietčara słužby taksi pastupiła paviedamleńnie ab tym, što na aŭtamabilnaj trasie R-14 u rajonie vioski Biaździedavičy Połackaha rajona na kiroŭcu adnoj z mašyn napaŭ pasažyr. Napadnik, pa słovach kiroŭcy, ź miesca zdareńnia ŭciok.
Na vyklik nieadkładna była nakiravana śledča-apieratyŭnaja hrupa. Supracoŭnikam milicyi 44-hadovy kiroŭca taksi raspavioŭ, što kala 23.00 jon znachodziŭsia kala restarana «Dźvina», da jaho padyšoŭ małady čałaviek, jaki znachodziŭsia ŭ stanie ałkaholnaha apjanieńnia, i paprasiŭ davieźci da vioski Farynava Połackaha rajona. Hrošaj pry sabie ŭ chłopca nie było, tamu ŭ zakład jon prapanavaŭ svoj mabilny telefon.
Kali taksi prajazdžała praz «pramzony» horada Navapołacka, pasažyr zajaviŭ, što jamu stała błaha i paprasiŭ spynić aŭtamabil. Paśla prypynku taksi chłopiec dastaŭ z kišeni nož i nanios im dva ŭdary ŭ vobłaść hałavy taksista, patrabujučy addać jaho mabilny telefon. Pamiž imi zaviazałasia bojka, padčas jakoj napadnik źbieh, spałochaŭšysia vypadkovych śviedak.
Zatrymali padazravanaha ŭ ździajśnieńni napadu ŭ lesapałasie kala aŭtadarohi R-14. Supracoŭniki milicyi apaznali jaho pa prykmietach, atrymanych ad paciarpiełaha. Napadnikam akazaŭsia 17-hadovy raniej sudzimy žychar ahraharadka Rudnia.
Na dadzieny momant padazravany zatrymany, pa fakcie razbojnaha napadu zaviedziena kryminalnaja sprava.
-
«Siamiejka sa Smalenska. Kryčali, što im treba jechać». Pjany pasažyr pabiŭsia z achoŭnikami minskaha mietro
-
Skončyŭ žyćcio samahubstvam chłopiec z Maładziečna, jaki pierad viasiellem zrabiŭ svajoj niavieście tatuiroŭku, ad čaho jana pamierła
-
SK paćvierdziŭ śmierć 18‑hadovaha chłopca na stadyjonie ŭ Minsku
Kamientary