Як паведамляе прэс-служба УУС Віцебскага аблвыканкама, 29 кастрычніка ў 11 гадзін вечара ў Полацкі РАУС ад дыспетчара службы таксі паступіла паведамленне аб тым, што на аўтамабільнай трасе Р-14 у раёне вёскі Бяздзедавічы Полацкага раёна на кіроўцу адной з машын напаў пасажыр. Нападнік, па словах кіроўцы, з месца здарэння ўцёк.
На выклік неадкладна была накіравана следча-аператыўная група. Супрацоўнікам міліцыі 44-гадовы кіроўца таксі распавёў, што каля 23.00 ён знаходзіўся каля рэстарана «Дзвіна», да яго падышоў малады чалавек, які знаходзіўся ў стане алкагольнага ап'янення, і папрасіў давезці да вёскі Фарынава Полацкага раёна. Грошай пры сабе ў хлопца не было, таму ў заклад ён прапанаваў свой мабільны тэлефон.
Калі таксі праязджала праз «прамзоны» горада Наваполацка, пасажыр заявіў, што яму стала блага і папрасіў спыніць аўтамабіль. Пасля прыпынку таксі хлопец дастаў з кішэні нож і нанёс ім два ўдары ў вобласць галавы таксіста, патрабуючы аддаць яго мабільны тэлефон. Паміж імі завязалася бойка, падчас якой нападнік збег, спалохаўшыся выпадковых сведак.
Затрымалі падазраванага ў здзяйсненні нападу ў лесапаласе каля аўтадарогі Р-14. Супрацоўнікі міліцыі апазналі яго па прыкметах, атрыманых ад пацярпелага. Нападнікам аказаўся 17-гадовы раней судзімы жыхар аграгарадка Рудня.
На дадзены момант падазраваны затрыманы, па факце разбойнага нападу заведзена крымінальная справа.
Цяпер чытаюць
Ад рэкету да продажу фота магіл. Як выглядае знутры групоўка Project X, якая вярбуе людзей для перавозкі мігрантаў з Беларусі ў ЕС3
Каментары