Kiraŭnik RUSADA paćvierdziŭ padmienu testaŭ tych rasijskich spartoŭcaŭ, što paśla zaviaršeńnia karjery stali čynoŭnikami
Rasijskija čynoŭniki padmianili vyniki niekalkich tysiač dopinh-testaŭ svaich spartsmienaŭ. Pra heta ŭ intervju The New York Times zajaviŭ kiraŭnik rasijskaha antydopinhavaha ahienctva RUSADA Juryj Hanus.
Pavodle jaho słoŭ, dadzienyja ab probach na dopinh chavalisia i padmianialisia, kab abaranić reputacyju byłych spartsmienaŭ, jakija siońnia zajmajuć pasady va ŭradzie abo źjaŭlajucca vyšejšymi čynoŭnikami. Jon taksama adznačyŭ, što vystupiŭ z zajavaj, kab budučym rasijskim spartsmienam nie pryjšłosia «pakutavać z-za dziejańniaŭ inšych ludziej».
«Rasieja — heta kraina vysokaha spartyŭnaha ŭzroŭniu, ale tyja, chto adkazvaŭ za ŭrehulavańnie hetaj situacyi na praciahu mnohich hadoŭ, vybrali łžyvy šlach, niapravilny padychod», — padkreśliŭ Hanus.
Jak piša NYT, kali dadzienaja infarmacyja paćvierdzicca, to heta ŭskładnić pracu rasiejskich uładaŭ, jakija sprabujuć paźbiehnuć novych pakarańniaŭ z boku mižnarodnych antydopinhavych słužbaŭ. Adznačym, u 2015 hodzie paśla skandału z maštabnaj falsifikacyjaj dopinh-probaŭ Rasiju adchilili ad šerahu mižnarodnych spabornictvaŭ, u tym liku ad zimovaj Alimpijady 2018.
Raniej paviedamlałasia, što Rasieju mohuć adchilić ad Alimpijskich hulniaŭ u 2020 hodzie. U pryvatnaści, heta źviazana z padazreńniami Maskoŭskaj antydopinhavaj łabaratoryi ŭ falsifikacyi dadzienych. Suśvietnaje ahienctva WADA dało Rasii try tydni na tłumačeńnie dadzienych ab dopinhavych parušeńniach.
Kamientary