U Sapockinie, što ŭ Haradzienskim rajonie, źjavilisia ŭlotki, zroblenyja na błanku Sajuza palakaŭ u Biełarusi, jakija zaklikajuć biełaruskich palakaŭ prafinansavać źjezd SPB.
Učora ŭ Sapockinie, što ŭ Haradzienskim rajonie, źjavilisia ŭlotki, jakija ad imia staršyni apalnaha Sajuzu zaklikajuć biełaruskich palakaŭ prafinansavać źjezd SPB 14-15 sakavika.
Pra heta paviedamiŭ haradzienski žurnalist Andrej Pačobut. Pa jaho słovach, ulotki byli rasklejenyja ŭ miescach, dzie vyviešvajecca aficyjnaja infarmacyja, aformlenyja jany byli na błankach Sajuzu, podpis staršyni na ich adskanavany. «Anžalika Borys ciapier znachodzicca ŭ Polščy, pa telefonie jana paprasiła nakiravać zajavu ŭ prakuraturu nakont hetaj falsifikacyi» — raspavioŭ A. Pačobut. Pavodle tekstu ŭlotki, hrošy majuć pieraličvacca na rachunak firmy «Pałonika», jakaja nieadnojčy vydzialała svaje pamiaškańni dla pasiedžańniaŭ SPB. «Užo byŭ vypadak, kali suprać «Pałoniki» ŭčyniali pravakacyju — u haziecie źjaviłasia abjava, što firma dapamahaje rabić vizy. Paśla hetaha ŭ «Pałoniku» naviedałasia padatkovaja inśpiekcyja i milicyja» — kaža žurnalist. Jon nie vyklučaje, što ŭčorašni incydent skončycca tym ža.
Nahadajem, što ŭ apošni čas u dačynieńni da siabroŭ SPB pačaścilisia pravakacyi. Na minułym tydni na kvatery A. Pačobuta nieviadomyja złamyśniki paškodzili ŭvachodnyja dźviery dy pakinuli pobač cydułku z pahrozami. Taksama nieviadomyja nieadnojčy telefanavali jahonaj dačce.
Hałoŭnym śpikieram Žanočaha forumu ŭ Minsku stanie rasijski kryndžovy psichołah, jaki raskazvaŭ pra «pamiać žanočych pałavych hub»12
Kamientary