KDB: U spravie akumulatarnaha zavoda aryštavali dvuch čynoŭnikaŭ Minpryrody
Staršynia KDB Biełarusi Valery Vakulčyk raskazaŭ žurnalistam 3 vieraśnia pra spravu Viktara Lemiašeŭskaha, uładalnika akumulatarnaha zavoda pad Brestam, suprać jakoha miascovyja žychary pratestujuć ad pačatku 2018 hoda, piša Radyjo Svaboda.
Valery Vakulčyk nahadaŭ, što ciapier spravu rasśleduje prakuratura. Viktar Lemiašeŭski pad vartaj, kaža staršynia KDB, «ź im jašče vielmi šmat ludziej zatrymana» — usie jany «razdavali chabar adkaznym asobam za vyrašeńnie tych ci inšych pytańniaŭ, u tym liku i tych, što tyčacca budaŭnictva akumulatarnaha zavoda».
U hetaj spravie aryštavanyja ŭ tym liku dva čynoŭniki Ministerstva pryrody, adznačyŭ Vakulčyk, i jany pryznalisia ŭ złačynstvach.
Viktar Lemiašeŭski byŭ zatrymany 1 lipienia. Pavodle Hienieralnaj prakuratury, za dva hady da zatrymańnia Lemiašeŭskaha pravaachoŭnyja orhany ŭžo cikavilisia dziejnaściu jahonaha zavoda ŭ Biełaaziorsku. Tady abyšłosia biez aryštaŭ. KDB zavioŭ na Lemiašeŭskaha adrazu niekalki kryminalnych spraŭ — za atrymańnie i davańnie chabaru.
Razam ź Viktaram Lemiašeŭskim zatrymali Śviatłanu Lemiašeŭskuju, hałoŭnaha buchhałtara na inšym akumulatarnym pradpryjemstvie — biełaaziorskim zavodzie «BIT-spłaŭ», byłoha kiraŭnika «BIT-spłaŭ» Siarhieja Achramčuka i namieśnika dyrektara Ivana Pakiśluka, a taksama dvuch indyvidualnych pradprymalnikaŭ ź Biarozy — Dźmitryja Rudskaha i Siarhieja Žukoviča.
Ciapier čytajuć
Addanaha jabaćku, jaki abražaŭ Śviatłanu Cichanoŭskuju ŭ Threads, kinuli za kraty16
Kamientary